Accessibility links

Кайнар хәбәр

Äfğanstanda urlanğan ike Hindstan keşese azat itelde


Dekabr başında Äfğanstanda qalğan Taliban köçläre tarafınnan urlanğan ike Hindstan injenerı kiçä tabılıp azat itelde. Äfğanstan tışqı eşlär ministrlığınıñ matbuğat wäkile Omar Samad süzlärençä, totıqlar saw-sälämät.

2 hindnıñ azat itelüe turında bügen Qabulda Äfğanstannıñ eçke eşlär ministrı Ali Ahmad Jalali belderde: "Xökümät, şulay uq cirle qabilälär yulbaşçıları häm aqsaqallar tırışlığı belän ike hind injenerın üzlärendä totqan keşelär ber nindi dä şartlar quymıyça alarnı azat itärgä rizalaştı", dide Jalali.

Hind injenerları Äfğanstannıñ könyağındağı Zabul provinsiäsendä Qabul-Qandahar olı yulın tözüdä qatnaşqan, alar 6nçı dekabr könne kibetkä barğanda urlanğan bulğan.
XS
SM
MD
LG