Kerbala, Ğiraq. İLneñ üzägendä yatqan şuşı şähärdä bügen berniçä höcüm näticäsendä kimendä 4 könbatış ğäskärie hälak buldı, 25-e yaralandı. Moñardan tış anda 7 ğiraqlı da üterelde. Cirle xalıq arasında törle cäräxät aluçılar sanı 100-gä citä dip xäbär itelä. Kerbaladağı çit il ğäskärläre başlığı poläk generalı Andrzej Tyszkiewicz, cirle ğısyançılar, bomba quyılğan maşinalar, granata atqıçlar häm ğadi qorallar qullanıp öç urında ayırım höcümnär oyıştırdı dip belderde. Könbatış köçläreneñ ikençe ber wäkile amerikan xärbie Ralph Manos, höcümgä cirle universitetta urnaşqan ike xärbi nığıtma, ber politsiä idaräse häm şähär xakime binası duçar bulğanlığın xäbär itte.
