Äfğanstannıñ Böyek Mäclese, Loya Cirğa, 3 atna barğan bäxäslärdän soñ, bügen ilneñ yaña konstitutsiäsen rasladı. Mäclesneñ räise Sibğatulla Mucadidi Kabulda, zur aq tirmä astına cıyılğan 500 delegatqa möräcägät itep, konstitusiä belän riza bulğannarnı basırğa ütende. Mäclesneñ zur küpçelege şulay itte. Yuq isä, äle kiçä genä Sibğatulla, prezident wäkälätläre häm däwlät telläre tiräsendäge bäxäslär arqasında, Mäcles körçekkä terälde digän ide. Qarşılıqlar niçek xäl itelgänder, älegä bilgesez. İlneñ xäzerge citäkçese Xomid Karzai delegatlar aldında çığış yasap, Konstitusiäne bertawıştan raslarğa çaqırdı:
Audio (Xomid Karzai)
"Bu dokument bar Äfğanstan xalqınıqı bulaçaq. Härkem anıñ belän kileşergä tieş. Küpçelek raslasa yaxşı. Ämmä bertawıştan raslaw yaxşıraq, çönki bu bezneñ berdämlekne añlata."
10 kön barır dip kötelgän Loya Cirğa 3 atnağa suzıldı. Xomid Karzai bu uñaydan äytelgän tänqitlärne kire qaqtı:
Audio (Xomid Karzai)
"Ozaqqa suzılu möxim tügel. Yevropa Berlege üz Konstitutsiäse turında inde 5 yıl söyläşä. Uzğan ayda betermäkçelär ide, kiläse yılğa küçerdelär. Bu möxim tügel. İñ möxime Äfğanstannıñ yaña konstitutsiäse bulaçaq, häm ilneñ här keşese anı üzeneke itep tanırğa tieş."
Qayber delegatlar parlamentqa kübräk wäkälät birergä taläp itkän ide. Ämmä, Karzai, xäzerge wazğiättä ildä "köçle üzäk xakimiät" buldırunı alğa sörde. Häm anıñ täqdimnäre ütmäsä, bu cäydä bulaçaq prezident saylawlarına üz namäzten quymayaçağı belän kisätte. Yaña Konstitutsäneñ ölgese älegä kilep citmäde. Ämmä kilgän xäbärlärgä qarağanda, näq menä Karzai alğa sörgän köçle prezident xakimiäte raslanğan. Berük waqıtta, prezidenttan tış, 2 vitse-prezident urını bulaçaq, digän östämä kertelgän. Dari häm Paştu -- däwlät telläre bulaçaq. Cirle xalıqnıñ küpçelege başqa teldä söyläşkän töbäklärdä 3nçe räsmi kerteläçäk.
Şulay itep, Taliban bärep töşerlgännän soñ Äfğanstannıñ yaña konstitutsiäse qabul itelde. Bu dokument 2 distä yıl suğış utında qaynağan Äfğanstanda berençe demokratik saylawlar ütkärügä yul aça.
Ali Gilmi
Audio (Xomid Karzai)
"Bu dokument bar Äfğanstan xalqınıqı bulaçaq. Härkem anıñ belän kileşergä tieş. Küpçelek raslasa yaxşı. Ämmä bertawıştan raslaw yaxşıraq, çönki bu bezneñ berdämlekne añlata."
10 kön barır dip kötelgän Loya Cirğa 3 atnağa suzıldı. Xomid Karzai bu uñaydan äytelgän tänqitlärne kire qaqtı:
Audio (Xomid Karzai)
"Ozaqqa suzılu möxim tügel. Yevropa Berlege üz Konstitutsiäse turında inde 5 yıl söyläşä. Uzğan ayda betermäkçelär ide, kiläse yılğa küçerdelär. Bu möxim tügel. İñ möxime Äfğanstannıñ yaña konstitutsiäse bulaçaq, häm ilneñ här keşese anı üzeneke itep tanırğa tieş."
Qayber delegatlar parlamentqa kübräk wäkälät birergä taläp itkän ide. Ämmä, Karzai, xäzerge wazğiättä ildä "köçle üzäk xakimiät" buldırunı alğa sörde. Häm anıñ täqdimnäre ütmäsä, bu cäydä bulaçaq prezident saylawlarına üz namäzten quymayaçağı belän kisätte. Yaña Konstitutsäneñ ölgese älegä kilep citmäde. Ämmä kilgän xäbärlärgä qarağanda, näq menä Karzai alğa sörgän köçle prezident xakimiäte raslanğan. Berük waqıtta, prezidenttan tış, 2 vitse-prezident urını bulaçaq, digän östämä kertelgän. Dari häm Paştu -- däwlät telläre bulaçaq. Cirle xalıqnıñ küpçelege başqa teldä söyläşkän töbäklärdä 3nçe räsmi kerteläçäk.
Şulay itep, Taliban bärep töşerlgännän soñ Äfğanstannıñ yaña konstitutsiäse qabul itelde. Bu dokument 2 distä yıl suğış utında qaynağan Äfğanstanda berençe demokratik saylawlar ütkärügä yul aça.
Ali Gilmi