Accessibility links

Кайнар хәбәр

Kiläse ayda Hindstan belän Paqstan tınıçlıq söyläşülären başlıy


Bügen Paqstan prezidentı Pärwaz Möşärräf, köndäş Hindstan belän söyläşülär başlaw mömkinlegen "tarixi" adım dip atadı. Bu xaqta Möşärräf İslamabadta, Könyaq Aziä illäre citäkçeläreneñ yuğarı däräcädäge oçraşuı tämamlanğaç, jurnalistlar aldında äytte. Mäğlüm bulğança, kiçä Paqstan häm Hinstan citäkçelege ayırım oçraşu uzdırdı. İke ilneñ tışqı eşlär ministrları, kiläse ayda – Hindstan belän Paqstan arasında söyläşülär başlanaçaq digän belderü yasadı. Köntärtibendä - ike il arasında kierenkelek tudırğan barlıq mäs'älälär, şul sanda Kaşmir nizağı da bulaçaq, dip xäbär itelä. Paqstan prezidentı Möşärräf, älege kileşüne "ciñü" dip atadı: "Böten dönya, tınıçlıq yaratqan barlıq xalıqlar öçen bu ciñü bulıp tora. Bu şulay uq Hindtstan häm Paqstan xalıqları öçen ciñü, küp yıllar häm äle dä cafa çikkän Kaşmir xalqı öçen, Hindstan häm Paqstan säyäsätçeläläre öçen dä bu – ciñü" dide Möşärräf.

Yuğarı däräcädäge cıyında qatnaşuçılar älege kileşüne xuplap qarşı aldı, ämma ike il arasında iñ möhim mäs'älälärdä zur fiker ayırmalıqları qala birä digän fiker belderde.
XS
SM
MD
LG