Accessibility links

Кайнар хәбәр

Ğiraqta ike franzus watandaşı üterelde


Fransiäneñ tışqı eşlär ministrlığınıñ matbuğat wäkile Herve Ladsous uzğan töndä Ğiraqnıñ Fallujah şähärendä 2 fransuz watandaşı hälak buldı, berse yaralandı, dip xäbär itte. Bu keşelär Amerikan tözeleş oyışmaları öçen eşlägän bulğan.

Elekke Ğiraq xärbiläre bügen xezmät xaqların taläp itep Basra uramnarına çıqtı. Ğiraq politsiäse alarğa ut açtı, näticädä 4 keşe yaralandı. Bügen amerikannar citäkçelegendäge xärbi öyränü kursların 700gä yaqın Ğiraqlı tämamladı, alarnı Ğiraq ğaskärläreneñ ikençe batalyonı itep oyıştıraçaqlar. Üktäbr ayında tözelgän berençe batalyonnıñ 300gä yaqın xärbie – aqça tülänmäwe säbäple xärbi xezmätne taşlap kitte.

Bolğarstannıñ saqlanu ministrı urınbasarı İlko Dimitrov, uzğan aynıñ axırında Ğiraqta urnaşqan Bolğar ğaskärläreneñ 500 keşelek batalyonında 5 xärbi intixar höcümendä hälak bulğannan soñ 42 ğaskäri xärbi xezmättän baş tarttı, dip belderde. Bolğarstan xärbi köçläre şiği möselmannarınıñ izge Karbala şähärendä urnaşqan. Üzläreneñ xezmättän kitüläre turında älege 42 keşe , 30nçı dekabrdä, mätäm könendä belderde.
XS
SM
MD
LG