Äfğanstannıñ könyağındağı Kandahar şähärendä bügen bomba şartlap kimendä 12 keşeneñ hälak buluına kiterde, 50läp keşe cärähätlär aldı. Şul sanda 8 bala ülgän. Başta uramda keçkenä ber şartlaw yañğrağan. Anı işetep ul urınğa xalıq cıyılğaç şunda uq köçle şartlaw bulğan. Bolarnı üz küzläre belän kürgän ber Gulalay isemle keşe Reuters agentlığı xäbärçesenä menä närslär söyläp birde: "Berençe keçkenä genä şartlawda ber bala yaralandı. Yardäm kürsäter öçen anıñ yanına keşelär cıyılğaç tağın köçle şartlaw yañğradı. Min üzem berniçä keşeneñ mäyeten kürdem, yaralanuçılar küp ide" dide şaxit. Prezident Hamid Qarzai älege waxşilekne täñqitläp çıqtı, bu xäl – Äfğanstanda terrorğa qarçı köräşne köçäytäçäk kenä, dip belderde.
Politsiä qaçırğa tırışqan ber keşene qulğa alğan, tirä yaqta tağın başqa şartlatqıçlar yuqmı dip tikşerü eşläre däwam itä. Kiçä Kandaharda Berläşkän Millätlär Oyışmasınıñ Qaçaqlar wäkile binasına granatalar atılğan häm ut açılğan. Yaralanuçılar yuq dip xäbär itelä.
Zabul provinsiäsendä Şah Halam Khan isemle xärbi citäkçe üterelgän. Anda politsiä häm provinsiä başlığı yaqlı köçlär arasında bäreleşlär bulğan.
Politsiä qaçırğa tırışqan ber keşene qulğa alğan, tirä yaqta tağın başqa şartlatqıçlar yuqmı dip tikşerü eşläre däwam itä. Kiçä Kandaharda Berläşkän Millätlär Oyışmasınıñ Qaçaqlar wäkile binasına granatalar atılğan häm ut açılğan. Yaralanuçılar yuq dip xäbär itelä.
Zabul provinsiäsendä Şah Halam Khan isemle xärbi citäkçe üterelgän. Anda politsiä häm provinsiä başlığı yaqlı köçlär arasında bäreleşlär bulğan.
