Accessibility links

Кайнар хәбәр

Rusiädä Pravoslav çirkäweneñ tä''sire; Saxarov muzeyenda bulğan kürgäzmä tiräsendäge bäxäs


Monnan ber yıl elek Mäskävdä Rus Provoslav Dineneñ izgelegen sorau bilgese astına quyğan kürgäzmä bulğan ide. Xäzer muzeyneñ ike xezmätkäre häm öç sänğätkär dini näfrät taratu säbäple xökemgä tartılu qurqınıçı aldında tora. Bu Rusisädä fiker ireklege turında bäxäs tudırdı. Radiobıznıñ Mäskäv xäbärçeseneñ bu turıdağı mäğlümätläre.

Ber yıl elek Mäskävdä Andrey Saxarov muzeyende "Saq bulığız-Din" digän kürgäzmä bulğan ide. Kürgäzmädä , xacqa häm xäm xatta svastikağa qadaqlanğan keşelär sürätlängän eksponatlar, Provoslav çirkäveneñ alkohol importı öçen salım tülämäven işarä itkän, vodka şeşelärennän eşlängän çirkäv modelı da bar ide. Qısqası, ul zamança sänğätneñ provokatsiäse ide. Saxarov muzeye direktorı Yuri Samodurov kürgäzmäneñ xakimiätlärne nindi däräcädä provokatsiälägän buluın uzğan ayda ğına sizde. Baş prokuratura aña qarşı cinayät eşe quzğatqanın belderde. Mäxkämä anı ğäyeple tapqan xäldä 5 yılğa qädäre törmä cazası birelä ala. Ğäyepläv Russiä Cinayätlär Kodeksınıñ milli, rassa häm dini eçtälekle näfrät taratunı tıyğan 282nçe maddäsenä nigezlängän. Samodurov radiobız xäbärçesenä ğäyepläv aktınnan sitat uqıp birde

Audio

"Saq bulışız-Din" digän kürgäzmä açılğannan soñ berniçä kön uzğaç uq radikal dini oyışma ağzaları muzeyğa kerep qayber eksponatlarnı cimerdelär yäisä räsemnärne buyap kittelär. Alarğa quyılğan vandalizm ğäyebe soñınnan köçtän çığarıldı. İmieş, kürgäzmä alarnıñ dini ışanıçın kimsetkän. Kürgäzmä tizlek belän yabılsa da, ul politik häm dini törkemnärneñ protestlarına säbäp buldı. Mäskäv episkopınıñ väkile anı illegal dip atadı, tanılğan rejissor Nikita Mixalkov anı xökem itkän xat yazdı. Duma prokuraturadan muzey direktorın cavapqa tartunı taläp itte. Samodurov kürgäzmä dini näfrät tarata digän ğäyeplävne qätği räveştä kire qaqtı häm ğäyeplävlär fiker belderü ireklegen çikly dip belderde.

Audio

Dini mäsälälär buyınça "Sova" internetınıñ möxärrirı Aleksander Verxovskiy mäsäläneñ niçek tögällänäçäge bilgesez dip belderde

Audio

Verxovskiynıñ süzlärnçä, ğädättä andıy ğäyeplävlär prokuraturada tabiği ülemgä duçar bula. Läkin, xäzer Russiädä ğomum atmosfera üzgärde. Duma saylaularınan soñ, yış qına millätçelär belän xezmättäşlek itkän provoslav yaqlı fraksiälär köçlände.

Audio

Saylaularda 4-nçe urın alğan Anavatan Russiä Provoslav Çirkäve zurıraq rol uynarğa tieş digän fikerdäge törkemnär tarafınnan yaqlana. Partiä citäkçese Sergey Glazyev Provoslav Vatandaşlar Berlegeneñ tanılğan ağzası häm ul törkem Saxarov muzeyeneñ töp tänqitçeläreneñ berse ide. Provoslav Çirkäveneñ täsire soñğı yıllarda üsä bara. Mäktäplärdä provoslav dinen uqıtunı kertü dä monıñ ber misalı. Prezident Putin üze dä yış qına çirkävlärdäge ğıbadätlärdä qatnaşa. Ul bügen dä Raştua Bäyräme uñayınan yasağan çığışında "Rusisädä dävlät belän çirkäv ayırılğan bulsa da, xalıq küñelendä alar ber" dip belderde. Anavatan Partiäse deputatı Aleksander Çuyev , Russiä dinne mısqıllauçılarnı cazalau lçen küberäk eşlärgä tieş, Duma qanunğa üzgäreşlär kertergä tieş dip äytte.

Audio

Säyäsi küzätüçe Vladimer Probılovskiy, Samodurov mäsäläse Provoslav çirkäve täsireneñ üsüen genä tügel, ä yaña yüznäleşne çağıldıra digän fikerdä. Ul bu vaqiğäne Putin yaqlı yäşlär oyışmasınıñ provokativ häm pornografik eçtälektä bulğan xäldä, tanılğan avangard äsärlärne tıyarğa häm xätta yandırırğa digän inisiativası belän çağıştıra. Pribılovskiynıñ , 10 yıl elek Samodurovnıñ ğäyeplänüen yaki yäşüsmerlärgä uramda kitaplar yandıruğa yul quyunı küz aldına da kiterep bulmas ide. Xäzer bu mömkin. Bu zamana ruxı digän süzläre här kemne uylandırırğa tieş.

Färit İdelle, Praga.
XS
SM
MD
LG