Accessibility links

Kandaharda şartlaw näticäsendä 2 xärbi yaralanğan


Bügen Äfğanstannıñ könyağında, Kandahar şähäreneñ xärbi nığıtmasında bulğan şartlaw näticäsendä, ike Äfğan xärbie yaralandı. Tabiplar, berseneñ ayağın kisergä mäcbür buldı. Räsmilär bu şartlaw öçen Taliban suğışçıların ğäyepläde.

Ul arada Berläşkän Millätlär fikerençä, Äfğanstanda Jün ayına bilgelängän saylawlar waqıtında ütmäskä mömkin, çönki aña qädär saylawçılarnı terkäp-beterep bulmayaçaq.

Xalıqara xoquq yaqlawçı Human Rights Watch oyışması, Äfğanstannıñ yaña qabul itelgän konstitutsiäsendä keşe xoquqları citärlek yaqlaw tapmağan, dip tänqit beldergän ide. Bügen Äfğanstannıñ Finans ministrı Äşräf Ğani, prezidentnıñ zur wäkälätläre parlament tarafınnan çiklänäçäk, dip yaña Konstitutsiäne yaqlap çıqtı.
XS
SM
MD
LG