Accessibility links

Кайнар хәбәр

«Çıñğız xan» törkeme Qor'än uqıttı




9 ğinwar könne Ufadağı Zamança sänğät muzeyında bik qızıqlı çara bulıp ütte. Älege muzeynı Başqortstanda ğına tügel, ä başqa töbäklärdä dä kiñ bilgele «Çıñğız xan» tatar rässamnarı icat berläşmäse ike yıl elek üz köçe belän oyıştırğan ide. Şuşı icat törkemen tuqsanınçı yıllar başında tözegän, bügenge köndä märxüm tatar rässamı Nail Lotfullin istälegenä açılğan bu muzey xäzer küp rässamnarnıñ oçraşıp fiker alışu urınına, üzençä ber klubqa da äwerelde. Menä şuşı muzeyda bügen Qor'än uqıttılar. Muzey eşçänlegenä uñışlar teläp, «Çıñğız xan» törkemen oyıştıruçı Nail Lotfullin ruxına doğa qılğannan soñ, biregä kilgän baş möfti Tälğät Tacetdin Qor'än uqıdı.

Soñınnan «Çıñğız xan» rässamnarı eşlärennän kürgäzmä açu tantanası bulıp ütte. Anda bu törkem äğzası, bügenge köndä Fransiäneñ Onfler şähärendä yäşäp icat itüçe, äle Ufağa yalğa qaytqan talantlı rässam Räsix Äxmätwäliev ta qatnaştı.
XS
SM
MD
LG