Accessibility links

Кайнар хәбәр

Säddäm Hösäinne xärbi totqın dip atawğa Ğiraq räsmiläre qarşı çığa


Xalıqara Qızıl Xac Komitetı – xäzer Säddäm Hösäin Quşma Ştatlar tarafınnan "xärbi totqın" dip iğlan itelgäç, anı törmägä barıp kürergä niäten belderde. Aldanraq Amerikanıñ, Säddämne "xärbi totqın" dip ataw qararına Ğiraq räsmiläre qarşı çıqtı. İdarä Şurası äğzase häm elekke appelyatsiä mäxkämäse xäkime Dara Nor al-Din, "Säddämne bez cinäyätçe dip sanıybız häm aña xökem qararı çığarılaçaq" dip belderde. Pentagonnıñ matbuğat wäkile mayor Michael Shaver, älege statusnıñ Säddämgä birelüe säbäbe – anıñ elekke rejim waqıtında xärbi köçlär başlığı buluı häm şuña kürä Geneva Konvensiäse nigezendä suğış cinäyätläre mäxkämäse aldına basu ixtimalı buluı, dide.

Bügen Tikrit şähärendä amerikan ğaskärläre ike Ğiraq politsiä xezmätkären atıp üterde. Atışlar ber öydä çıqqan cäncal waqıtında bulğan.

Ammara şähärendä ber ğiraqlı atıp üterelgän, amerikan çığanaqları xäbär itüençä, älege keşe uram cıyını waqıtında granata şartlatırğa cıyınğan bulğan.
XS
SM
MD
LG