Qazan şähärendä yäşäwçe Marat atlı äfände televizor tapşıruların xäzer kabel' aşa qarıy ikän. Anda ul Başqortstan televidenieseneñ BST kanalınnan Tatarstannıñ Aqtanış rayonındağı ber mäktäben tikşerüne kürsätülärenä ğäcäplänep bezgä çıltırattı.Ul menä närsälär söyli: “Şimbä könne kiçke säğät 8lärdä BST kanalınnan Ufa xäbärlärendä Tatarstannıñ Aqtanış rayonınıñ ber mäktäben kürsätälär. Yänäse, qayçandır, kemgäder, tıçqannardan yoğışlı çir yoqqan bulğan. Keşelärdän interv'yu alalar. Bu mäktäpneñ kuxnyalarındağı qapqaçsız çiläklärdä saqlanğan yarmalar awıruğa säbäp bulğan da , häm xäzer inde çarasın kürgäç, mondıy xucasızlıq bulmas, imeş. RTR korrespondentı dip, mikrofonnarğa iğtibarnı cälep itep, ämma BST kanalınnan kürsätüläre nindider ber provokatsiägä oşağan”,-dide Marat äfände.
İşetüegezçä, BST kanalına Marat äfändeneñ tä'sire qarşılıqlı. Ber mäzäk iskä töşä:“Ällä ul tun urlağan , ällä anıñ tunın urlağannar ”,- digännär ber keşe turında. BST tapşıruında Aqtanış rayonı näq şundıy xäldä qalğan kebek.
Azatlıq radiosı Mälikä Basıyr, Qazan.
