Accessibility links

Кайнар хәбәр

İzrail'' belän Gaza Sızığı arasındağı çik qapqasında intixarçı ber xatın qız bomba şartlatıp üzen häm 4 keşene üterde


İzrail' radiosı üterelüçe 4 keşeneñ İzrail'le buluın belderä häm tağın kimendä 7 keşe yaralandı dip xäbär itä. Bomba fälestinlelär İzrail'gä kergändä iminlek tikşerüe aşa ütä torğan bülekçädä şartlatılğan dielä. İzrail' tışqı eşlär ministrlığı wäkile Jonathan Peled fälestinlelär tınıçlıqnıñ barlıq mömkinleklären şartlatırğa tırışa dide:

AUDİO: Fälestin terrorçıları tağın ber märtäbä İzrail'gä höcüm itärgä bulğan. Häm fälestinlelär almaşu häm eşmäkärlek urınında keşelärne genä şartlatmıy, ä Gaza Sızığına humanitar yulnı da şartlata häm tınıçlıqqa kiterä alırday härber mömkinlekne şartlatırğa tırışa.

Bügenge şartlatu öçen cawaplılıqnı Hamas suğışçan törkeme häm Äl-Aqsa Fidainnarı üz öslärenä aldı. Kiçä Könbatış Yarda ber izrail'leneñ atıp üterelüe öçen cawaplılıqnı da Äl-Aqsa Fidainnarı törkeme üs östenä alğan ide. İzrail' soldatı tarafınnan başına atılğan Britaniä tınıçlıq aktivistınıñ tuğannarı ul 9 ay buyı añsız yatqannan soñ wafat buldı dip belderde.
XS
SM
MD
LG