Serbiäneñ Maxsus mäxkämäse suğış cinäyätlärendä ğäyeplängän keşelär östennän açılaçaq berençe zur mäxkämä eşeneñ başlanu könen bilgeläde. TanYug mäglümätlär agentlığı belderüençä, 1991 yılnıñ noyäberendä Xorvatiäneñ Vukovar şähäre yanında, ber duñğız fermasında, 200-läp xorvantı üterüdä ğäyeplängän 8 keşe östennän mäxkämä eşe 9 martta. Slobadan Miloşeviç bärep töşerelep, Serbiädä demokratiä yaqlı köçlär xakimiätkä kilgännän soñ, elek qılınğan suğış cinäyätlären häm oyışqan cinäyätçelekne tikşerü öçen Maxsus mäxkämä tözelgän ide. 9 martta açılaçaq utırış bu mäxkämäneñ berençe zur eşe bulaçaq.
