Accessibility links

Кайнар хәбәр

«Dialog-Yevrazia» - berläşterä


Şuşı könnärdä, İstanbulda «Dialog-Yevraziä platforması» digän xalıqara oyışmada kerüçe illärneñ jurnalistları oçraşuın uzdırdı. Anda Tatarstan mäğlümat çaraları wäkilläre dä qatnaştı. «Dialog-Yevrazia platforması»n yaqlawçılarnıñ, yäğni törki xalıqlar ber-berse belän aralaşırğa tieş digän fikerdä toruçılarnıñ, sanı yıldan yıl arta bara. 2002nçe yılda barlıqqa kilgän älege oyışmağa Albaniä, Gruziä, Kazaxstan, Üzbäkstan, Rusiä häm başqa illär kerä xäzer. Rusiäne anda Tatarstan, Başqortstan, Dağstan häm Mäskäw şähäre wäkillek itä. Yılğa ber tapqır «Dialog-Yevrazia platforması» oyışmasına kerüçe illärneñ zıyalıları urtaq problemalar turında cielıp söyläşälär. Mäsälän, ütkän yılda andıy konferensiä Qırğızstanda bulğan häm anda Tatarstannan deputatlar Razil Wäliev häm Foat Ğalimullin qatnaşqan. Oyışmada äzgä bulıp torğan illärneñ härbersendä şuşı «Dialog- Yevrazia» jurnalı çığa. Bu könnärdä «Dialog-Yevrazia» jurnalınıñ törle illärdäge wäkilläre İstanbulda oçraşuların uzdırdı. Törkiä qunaqları arasında «Dialog-Yevrazia» jurnalınıñ Qazandağı wäkile Timur Urazbaxtin da buldı. Xäzer ul «Azatlıq» radiosı tıñlawçılarına Törkiädä bulğan oçraşular xaqında tulıraq itep söyläp birer : «Bez anda ere gazetalar, jurnal, radio häm televidenie eşe belän tanıştıq. Annan soñ Tatarstannan ber törkem jurnalistlar kilde. Alar Törkiädäge kollegaların üz eşläre belän tanıştırdı. Törkiä häm Tatarstan arasında xezmättäşlek turında urtaq proyektlar turında söyläştelär».



«Dialog-Yevrazia» jurnalınıñ Tatarstandağı wäkile Timur Urazbaxtinnıñ äytüenä qarağanda, älege jurnal bitlärendä alğa taba da Tatarstannıñ bilgele şäxesläre, Qazannıñ 1000 yıllığı kebek zur temalar çağılış tabaçaq. Şuşı tösle, qalın jurnalğa yazılu kompaniäse inde tämamlansa da, anıñ yaña sannarın kitapxanälärdä häm satuda tabıp bulaçaq.

Bikä Timerova.

XS
SM
MD
LG