Accessibility links

Кайнар хәбәр

Däwlät sekretare Powellneñ Tbilisi häm Mäskäwgä vizitlarında Görcestan mäs''äläse möhim tema bulaçaq


AQŞ Dävlät Sekretarı Colin Powell Görcstannıñ saylanğan prezidentı Mixail Saakaşvilinıñ ant itü tantanasında qatnaşu öçen irtägä yulğa çığa. Ul Tbilisidän Mäskävgä kitäçäk. Anıñ Mäskävdäge söyläşülärendä dä Görcstan mäsäläse möhim urın biliäçäk.

AQŞ dävlät sekretarı Colin Powell Mäskävdä İgor İvanov belän oçraşqanda, Görcstan mäsäläsenä qağılmıy qalmas. Powell Mäskävgä barışlıy Tbilisidä tuqtalıp, Saakaşvilinıñ anta itü tantanasında da bulaçaq. Dävlät Departamentı suzçese Adam Ereli bu vizit xaqında Washingtonda ütkärelgän press-konferensiädä bolay dide

Audio

"Soñğı saylaular säbäple, bez Görcstannıñ kilçägenä ömetle. Dävlät sekretarı Gruziäneñ kiläçäktäge demokratik häm ekonomik täräqqiätenä yardäm itü yulların tikşeräçäk."

Ereli bu mäsälä Mäskävdäge söyläşülärdä dä tikşeräçäk dip äytte. Washington , Gruziädä äle dä ğäskärläre torğan Russiä belän söyläşülärdä häm finans mäsälälärdä Tbilisigä yardäm itärgä aşıqtı. Ul dävlät xezmtkärlärenä, armiä häm militsiägä xezmät xaqların tüläv öçen yardäm birde. Läkin, Görcstanda progressnıñ buluı öçen küp närsä Mäskävdän bäyle häm Powel bu mäsäläne quzğataçaq dip äytergä bula. Tışqı mönäsäbätlär Şurasınnan Dävid Filips radiobız xäbärçesenä bu xaqta bolay dide.

Audio

"Russiä bazalarnı küçerü öçen 500 milion dolar häm 11 yıl vaqıt kiräk dip belderde. Minem fikeremçä, 5 milion dollar häm 11 atna citä. Gruziädä çit il ğäskäreneñ toruınıñ kiräge yuq. AQŞ tieşle aqçanı tülärgä äzer. Bazalarnı yabu häm Ruslarnıñ annan kitüe öçen vaqıt citte."

Rusisä dä , AQŞ ta strategik ähämiäte bulğan Gruziädä täsirlären urnaştırırğa tırışalar. AQŞta belem alğan yaña prezident Saakaşvili ber yatqan Washington belän yaqın mönäsäbätlär urnaştırırğa, ikençe yaqtan Mäskäv belän mönäsäbätlären yaxşırtırğa teli. Mäskäv çeçen köräşçeläre gruziä cirennän torıp Russiägä höcümnär oyıştıralar dip tä däğvä itä. Saakaşvili Çärşämbedä Davosta yasağan çığışında Gruziäneñ kiläçäktäge demokratik uñışı , elekk sovet dönyası öçen dä möhim dip belderde.

Audio

"İlemneñ uñışı SSSRdan soñ tözelgän dävlätlärdä xökümätlärneñ üz eşçänlegen üzgärtüe öçen bik möhim. Bu forsatnı ıçqındırmasqa kiräk."

Saakaşvili aldında qıyın problemmalar tora. Ul Abxaziä häm Könyaq Osetiägä bara almıy. Anıñ Yäkşämbe irtän dingez häm militsiä köçläreneñ paradına qatnaşu öçen Batumigä baruı kötelä. Bu vizitnıñ da kierenke atmosfarada ütüe kötelä. Çönki Acaristan da üzenä kürä bäysez xäräkät itä. Läkin, David Filipsnıñ fikerençä, soñğı vaqıtlarda, Acaristan belän Görçstan arasındağı mönäsäbätlär bigeräk tä ike arada salım mäsäläse öleşçä xäl itelgännän soñ, ber az yaxşıra töşkän. Läkin, Görcstan aldında qıyın problemmalar tora. Filipsnıñ süzlärençä,

Audio

"Gruziädä qısqa vaqıtqa suzılğan şärbät ayı bulaçaq. Şunnan soñ görcelärgä reformalar ütkärä başlarğa turı kiläçäk. Ul vaqıtta xalıqara yardäm kiräk bulaçaq häm gorcelär anti-korrupsiä, ekonomik häm politik reformalar mäsäläsendä citdi buluların ispatlarğa tieş bulaçaqlar."

Saakaşvili üzeneñ çığışlarında Gruziäne demokratiägä uñışlı alıp baru öçen radikal ekonomik häm anti-korrupsiä reformaların ütkärü mäsäläsendä qararlı buluın belderep kilä. Yaqın kiläçäktä aña monı eştä kürsätergä turı kiläçäk.

Färit İdelle, Praga.
XS
SM
MD
LG