Accessibility links

Кайнар хәбәр

Bäläbäy gimnaziası kemnärgä oşamí?


Başqortstannıñ Bäläbäy şähärendäge tatar gimnaziasına höcümnär haman da tuqtalmıy. Respublika mäğärif türäläreneñ Başqortstandağı berdänber saf tatar gimnaziasına bäylänüe uzğan yıldan bu yılğa da iärep çıqtı. Äwwälge programnarıbızda äytelüençä, ğínwarnıñ täwge atnasında gimnazia direktorı Nurmöxämät Xösäyenov Bäläbäy şähäre mäğärif idaräsennän ber xat ala. Anda gimnazianıñ 7 xezmätkären qısqartu kiräklege äytelä. Ämma Nurmöxämät äfände äytüençä, bu uqu yortında bügenge köndä ber genä artıq ştat ta yuq. Härkem üz urınında kiräkle. Ägär dä 7 keşene qısqartsañ, gimnazianıñ eşçänlegenä, uqu – uqıtu sífatına tiskäre yoğıntı yasayaçaq.

Älegä bu 7 ştatnı qaldıru öçen gimnazia kollektifı mäğärif türäläre belän tigezsez köräş alıp bara. Tigezsez dip äytü öçen nigezlek tä bar, çönki üz maqsatların tormışqa aşıru öçen, mäğärif ölkäse citäkçeläre yuğarı xakimiatlarnıñ mömkinleklären dä eşkä cigä. Moña iñ yaña misal da bar. 23 ğínwar könne gimnazí direktorına Bäläbäy şähäre prokurorı urınbasarı İwanov äfände şaltırata häm añardan gimnazianıñ ustawın kiterüne taläp itä.

Äye, republikada uñışlı eşläp kilüçe berdänber saf tatar gimnaziası küptän inde qayberäwlärneñ eçen poşıra. Küplärgä ürnäk bulırlıq andıy uqu yortlarına härdaim yärdäm itep kenä torası ide dä bit, yuq şul, kiresençä, atlağan sayın ayaq çalıp qına toralar. Ni xäl itäseñ, Nurmöxämät äfändeneñ üze äytkän qanatlı süzlärendägeçä kilep çığa: Başqortstan şartlarında tatarlarğa yäşäwe ciñeldän tügel. Şulay da köräşlärdä çınıqqan gimnazí uqıtuçılar kollektífı häm şäxsän direktor Nurmöxämät Xösäyenov üze ğädellek öçen soñğı sulışlarına qädär köräşäçägen belderä.
XS
SM
MD
LG