Berläşkän Millätlär Oyışması general sekretare Kofi Annan, dönya cämägätçelege 90-nçı yıllarda küpläp üterülärne buldırmıy qaldıra ala ide, ämmä ul monı eşli almadı, dip belderde. Bu süzlären ul bügen Şvetsiä başqalasında açılğan Xalıqara Genotsid konferensiäsendä äytte. Xalıqara cämäğätçelek qul quşırıp utırğan iñ ğärlekle misallar itep, Annan, elekke Yugoslaviädä etnik tazartular häm Rwandada genotsid oçraqların kiterde. Konferensiä çärşämbegä qädär däwam itäçäk.
