Accessibility links

Кайнар хәбәр

Mäskäw tatar yäşlärene Asadullayev yortın tözekländerü öçen aqça cıya


Mäskäw tatar yäşlärneñ qoordinatsion şurası üzeneñ çirattağı ciılışın ütkärde. Bu oçraşunıñ kön tärtibendä töp tema bulıp, 2003 yılnıñ közendä tatarlarğa qaytarılğan elekke mädäni üzäk bulğan Asadullayıv yortın torğızu prorğamması tikşerelde. Bu binanı tözekländerü öçen kiräk bulğan aqçalarnıñ berkemneñ dä byüdcetına kertelmägän. Şularnı isäpkä alıp, koordínasíon şura bu yortnıñ remontına kiräk bulğan aqçanı tabu yulların da tikşerde. Şularnıñ berse inglizçä , fandrayzing dip atala. Närsä soñ ul fandrayzing? Bu turında «Yaqlaw» oyışmasınıñ citäkçese Aynur Sibğatullin mondí añlatma birä. Fandrayzing di ul, belgeçlär eşkärtkän program. Anda süz tabış kitermi torğan proğammalarnı tormışqa aşırunı matdi yş belän täämin itü qaralğan. Bu eşte maqsatqa ireşer öçen berençedän fiker urtaqlığı bulğan häm bu eşkä bitaraf bulmağan qomanda oyıştırğa kiräk. Älbättä kemnän bulsa da närsä öçender aqça soraw bik awır närsä, bez uramda, meteroda xäyer soraşqannarğa aqça birep kitsäk tä, Nindider eş öçen dip soranuçılarğa aqça birergä aşıqmíbız di Aynur Sibğatullin. Şunıñ öçen. Bez çınlap ta xalıq mänfäğätlären qayğırtuıbıznı inandıra torğan program eşkärtergä tieşbez. Häm ul üzeneñ tägdimendä bu programnı tormışqa aşıru yulların täfsilläp añlatıp açıp birä. Bügenge köndä mädäni üzäk öçen Mäskäw xökümäte azmı küpme öleş çığara. Läkin bina häm mädäni üzäk tulısınça, barlıq xalıqlarğa da ürnäk bulırday itep, üzgärtep qorırı öçen ul çaralar ğına citmi di ul. Şunıñ öçen bez berdäm bulıp, bu yortnı kütärer öçen köçebezne birergä tieş di, Aynur Sibğatullin. Mäskäwdä genä ber million tatar bar dip äytälär. Revolütsiägä qädär bu yortnı tözer öçen xalqıbız aqça cíğan bit. Här keşe berär genä rubl' tapşırsa da, kiräk qädär aqça cíılmas mikänni, dip soraw quya Aynur. Yort bezneke ikän, ul yortnıñ problemnarına da xucalarça qararğa waqıt citte dilär Mäskäwneñ tatar yäşläre koordínasíon şurası. Häm berençe çiratta alar eşçe törkem oyıştırıp, bu eşlärdä iñ berençe adım itep alar tatar xalqına möräcäğät yazarğa qarar qıldılar.häm bu möräcäğätneñ yaqınça tekstı iğlan da itelde. Häm bu möräcäğätne Mäskäwdä çığa torğan tatar basmaları aşa basıtırıp çığarğa häm radío aşa xäbär itärgä dä planlaştırdılar. Şulay uq ul möräcäğät tatar internet säxifälärenä dä urnaştırılaçaq. Xäyriä aqçaların cíar öçen yäşlär bankta maxsus xisap ta açarğa uylílar. Şunıñ östenä koordínasíon şurası qararı, «Qol Şärif» mäçetenä aqça cíğan ürnäktä, xäyriä aqçaların tapşırğan keşelärne yazar öçen maxsus däftär buldırırğa kiräklegen dä belderdelär. Şular belän bergä, xäyriä aqçaların salır öçen maxsus tartmalar Asadullayıv yortında, Tarixi häm cämig mäçetendä, tatar restorannarı - Xarbinda,. Kitayğorod stenasında, 15nçe park uramındağı barğa, Tatarstan belän Başqortostannıñ wäkälätle wäkilleklärendä elenergä tieş digän täğdim dä kerttelär. Oyıştıruçılar fikerençä aqça cía torğan tartmalarnı disqöteqälärda, Häm tatar konsertları zalına da quyarğa kiräk. Şulay uq mädäni üzäk öçen aqça çığanağı itep alar Asadullayıv yortı turında kalendar', plaqat, buqlet , suwenirlar çığaru turında uylílar. Yäşlärneñ koordínasíon şurası şulay uq xäyriä konsertları, auksíonnar ütkärüne Häm Tatarstannıñ zur kollektífları Mäskäwdä çığış yasağan waqıtta qayber konsertlarnı da xäyriä tamaşası dip atap, häm annan kilgän aqçalarnı Asadullayıv yortı fondına kertüne täğdim itäçäklären dä belderdelär. Şul uq waqıtta alar sponsorlarnı ezläwne dä däwam itäçäklär.

Äytep ütelgän mäsälälärne tikşergän koordínasíon şuranıñ utırışında 10 keşe qatnaştı. Asadullayıv yortın tözekländerüdä alıp baralaçaq eş planın qabul itep, ul plannı binanıñ direktorı Änwär Xösäyenov aşa Mäskäwneñ milli- mädäni möxtäriäte şurasına tapşırırğa digän qarar qabul itelde. Fandrayzing- ğädi genä äytkändä yortnı tözekländerü öçen aqça cíu programı buyınça eşçe törkemne oyıştıru, häm qabul itelgän plannı tormışqa aşırunı Aynur Sibğatullinğa yöklätelde. Bu oçraşuda yäşlärneñ koordínasíon şurası mädäni üzäktä ütkäreläçäk qayber çaralarnıñ programın Häm Asadullayıv yortın torğızuda yärdäm sorap tatar xalqına möräcäğät qabul itte. Möräcäğättä, “qäderle milättäşlär, ägär dä sezgä çınlap ta bezneñ mädäniätebez, tuğan tel häm ğöref- ğädätlärebez qäderle ikän, bezneñ urtaq yortıbız bulğan Asadullayıv yortın torğızuda yärdämegezne kötäbez! Tuğannar, bezneñ bu eştä üz xalqıbızdan başqa berkem dä yärdäm itmäyäçäk. Mäskäw tatarlarnıñ simwolı bulğan Asadullayıv yortın barıbız bergä urtaq yort itep kütärik, dielgän möräcäğattä. Programda qararlğança, bıyıl mädäni üzäktä möselmannarğa, Tatar xalqına bağışlanğan berniçä kitapnı täğdir itü bulaçaq. Şulay uq programda Asadullayıv yortınıñ 90 yıllığı, cämig mäçeteneñ 100 yıllığın bilgeläw kiçäläre dä qaralğan.

Şulay itep Mäskäwneñ tatar yäşläre bu mäsşçläne yöräklärenä yaqın alıp, problemnarğa bitaraf bulmí, mädäni üzäkneñ görläp eşlep kitüen genä kötep yatmíça, üz yağınnan näticäle plan programın da täğdim itä häm ciñ sızğanıp bu eşlärdä qatnaşırğa ezer toruın belderä. Yöräktän çıqqan ğına yöräkkä kerä dilär. Xalıq qına bu möräcäğätqä bitaraf qalmasın ide. Yäşlär millätkä tartıla ikän, alarğa häryäklap teläktäşlek belderergä kiräk.

Näzifä Kärimova, Mäskäw.
XS
SM
MD
LG