Qazaxstan prezidentınıñ qızı, Dariğa Nazarbaeva, yaña terkälgän "Asar" partiäsenä inde 10 deputat quşıldı, dip belderde. Bu bäysez deputatlarnıñ 7-se yuğarı palata - Senattan, qalğan 3-e tübän palata – Mäclestän, dide ul. Nazarbaeva, şuşı yılda ütäçäk saylawlarda "Asar" partiäse parlamenttağı urınnarnıñ yartısın alaçaq digän faraz belderde. Uzğan yıl sotsial xäräkättän partiä itep üzgärtelgännän soñ "Asar" zur tizlek belän üsä başladı. Yustitsiä ministrlığı belderüençä, bügen anıñ saflarında 77 meñ äğza bar, häm ul Qazaxstannıñ ikençe partiäsenä äylängän. Berençe urında Dariğanıñ ätise, Nursoltan Nazarbaevqa bäyle "Otan" partiäse, 300 meñ äğza.
