Accessibility links

Кайнар хәбәр

Möşärräf Paqstannıñ atom serlären taratuçını yarlıqadı


Paqstan prezidentı Pärwäz Möşäräf ilneñ atom serlären başqa däwlätlärgä taratqan ölkän atom belgeçe Abdul Qadir Xannı yarlıqadı. Möşärräf äytüençä, xökümät äğzaları Xannı kiçerergä kiñäş itkännän soñ ul yawlıqaw dokumentın imzalağan. Möşärräf şulay uq, Paqstan üzeneñ atom programmaların BMO küzätüe astına birmiäçäk häm BMO atom idaräsenä bernindi dokument ta tapşırmayaçaq dide. Paqstannıñ atom programmasına nigez salğan häm anı citäklägän Xan qoral serlären taratqan öçen kiçä televidenie aşa böten il xalqı aldında ğafu ütende. Ul atom serläreneñ İran, Liviä häm Tönyaq Koreağa taraluı öçen böten cawaplılıqnı üz östenä aldı. Bügen Paqstan atom texnologiäläreneñ taraluı turında tikşerü ütkärelgännän soñ ilneñ töp atom qorılmasında eşlägän tağın kimendä 5 belgeç häm administrator totqarlandı dip belderde.
XS
SM
MD
LG