Mädäni comğanıñ 6nçı fevral’ sanında Min äytäm rubrikasında Mösäğit Xäbibullinnıñ bügenge Rusiäneñ säyäsi tormışı xaqında fikerläre urın alğan. Ä gäcitneñ parlament xäbärçese Äğzam Fäyzraxmanov Tatarstannıñ däwlät telläre turında yaza. Anıñ mäqäläse küptän tügel genä qabul itelgän respublikanıñ Tellär turındağı qanunğa bağışlana. Şulay uq anda Fäwziä Bäyrämovanıñ “Törki dönya häm xatın-qızlar” dip isemlängän yazmasınıñ däwamı da urnaştırılğan. Annan tış gäcitneñ bu sanında Färit Yaxinnıñ “Küz yäşe” xikäyäse häm Roza Xafizovanıñ şiğerläre dä urın alğan. Watanım Tatarstan gäciteneñ comğa sanında isä uquçılar yazuçı Fakil Safinnıñ fikerlären uqıy, ä şiğriät belän qızıqsınuçılar tağın ber qat Fänis Yarullin icatı belän tanışa ala. Gäcitneñ bitlärendä tarixçı Rafiq Möxämmätşin häm Tatarstan prezidentı kiñäşçese Rafael Xäkimovnıñ din häm wöcdan iregenä bağışlanğan yazmaları da urın alğan. Şulay uq Alsu Qadırovanıñ tatar teatrında tel mäs’äläse xaqında yazması da ayıruça qızıqlı. Jurnalist anda Ğäliäskär Kamal teatrı artistları belän bergä uylana. Şähri Qazan gäciteneñ 6nçı fevral’ sanında İlhamiät quşımtası urın alğan. Anıñ bu çığarılışınıñ teması – yäş ğailälär. Uquçılar gäcittä dini säxifä belän dä tanışa ala. Şulay uq Şähri Qazanda İxtıyar Ğayazovnıñ “Ber qalıptay töşkändäy” dip isemlängän bäyanı da dönya kürgän.
Gölnaz İlgizär
