Accessibility links

Кайнар хәбәр

BMO wäkilçelege anda saylawlar ütkärü mömkinlegen tikşerü öçen Bagdadqa kilde


BMOsı väkilçelege Ğıraqta 30-nçe iyüngäçä saylaular ütkräü mömkinme digän mäsäläne açıqlau öçen Bagdatqa kilde häm Ğıraq İdarä Şurası belän oçraştı. Ğıraqta küpçelekne täşkil itkän Şiğıy citäkçeläre xakimiät tapşırılır aldınnan saylaular ütkärelsen dip taläp itälär. AQŞ isä saylaular ütkärü öçen zaman häm imilek yuq, şul säbäple, cirle idarälär vaqıtlı xökümätne saylasın digän pozitsiädä tora.

Şimbä könne Bagdatqa kilgän väkilçelek fiker ayırmalıqların beterü maqsatı belän törle törkemnär belän oçraşa. Väkilçelek belän mäxsus ilçe Laxdar Brahimi citäkçelek itä. Anıñ süzlärençä,

Audio

"BMOsı saylaular turında nindi dä bulsa qarar birer aldınnan , Ğıraq xalqın xäzerge krizistan çığaru häm Kofi Annan äytmeşli bäysezlek häm suverenlığın aluı öçen häm Ğıraqnı , anıñ xalqı telägäneçä yañadan tüzü öçen qulınan kilgänne eşläv mäsäläsendä eçkersez".

Brahimineñ süzçese Ahmed Fawzi , İdarä Şurası belän bulğan oçraşudan soñ, väkilçelek barlıq partiä, etnik häm dini törkemnärneñ qaraşları belän tanışaçaq dip belderde.

Audio

"Väkilçelek Ğıraq cämğiätendäneñ qatlamnarınıñ fikerlären tıñlayaçaq . Alar arasında barlıq partiä häm etnik törkemnärneñ väkilläre bulaçaq."

Läkin, İdarä Şurasınıñ çirattağı prezidentı Mohsen Abdel Hamid, BMOnıñ salaular turındağı qararı ütälergä mäcbür tügel dip belderde.

Audio

"Bez 30-nçe iyün datasın küz aldında totıp, väkalätle xökümät tözüne tämin itäçäk saylaular belän bäyläneşle här törle mömkinlekne tikşerdek."

Mäğlüm bulğança, AQŞ saylaularnı 2005-nçe yılda ütkäüne planlıy. Şiğıylärneñ dini citäkçese Ayatolla Ali al Sistani bu plannı kire qağıp, saylaularnı tizlek belän ütkärüne taläp itte. Sistani AQŞ räsmi väkilläre belän oçraşunı kire qağa. Läkin, ul BMOsı qararın qabul itü ixtimallığınıñ buluın işarä itte. Şul säbäple Washington BMOsı väkilçelege saylaular ütkärü xäzerge şartlarda mömkin tügel digän näticägä kiler häm bu şiğıy citäkçeläreneñ saylaularnı ütkärü taläben üzgärtüenä kiterer dip ömetlänä. İdarä Şurası BMOnıñ zurıraq rol uynauın teläsä dä, saylaular mäsäläsendä berdäm fikerdä tügel. Yordaniä patşası Abdulla Münxende ütkärelgän iminlek konferensiäsendä yasağan çığışında saylaularnı tizeräk ütkärü öçen basım yasau xata bulır ide digän fiker belderde.

Audio

"Ğıraqlılarğa üz problemmaların tınıç yullar belän xäl qılu mömkinlegen biräçäk iminlek bulırğa tieş. Mäsälä saylaularnı tizeräk ütkärüdä tügel, ä xökümät oyışmaların yaxşı tözüdä."

Qısqası, BMOsınıñ Ğıraq missiäse ber dä ciñel tügel häm vaqıt ta çiklängän. Väkilçelek 10 kön anda qalaçaq häm törle qatlam politik, etnik häm dini citäkçelär belän oçraşıp söyläşkännän soñ, geneal sekretar Annannı vizitnıñ näticäläre belän tanıştıraçaq.

Färit İdelle, Praga.
XS
SM
MD
LG