Britaniä premyer-ministrı Tony Blair häm tışqı säyäsät başlığı Jack Straw bügen Libiä tışqı eşlär ministrı Abdel-Rahman Şalqam belän oçraştı. Straw söyläşülär "faydalı" buldı, dide: "Tışqı eşlär ministrı Şalqam belän bik tä faydalı söyläşülär uzdırdıq. Süz ike yaqlı häm regional mäs'älälär tiräsendä bardı. Oçraşunıñ ber öleşe şulay uq premyer-ministr Blair qatnaşında bardı" dide Jack Straw.
Straw, Blair häm Libiä citäkçese Moammar Gadhafi oçraşuı yaqın kiläçäkkä bilgeläner, dip ömetlänä. Britaniä inde ozaq waqıt Libiägä diplopatik izolyatsiädän çığarğa yardäm itergä tırışa. Dekabr ayında Gadhafi, Libiä atom töş, ximik häm biologik qoral citeşterü programmalarınnan baş tarta, dip iğlan itkäç , lierenkelek äzräk kimede.
Gadhafi belän söyläşülär uzdırır öçen bügen Liviägä İtaliä premyer-ministrı Silvio Berlusconi kilde.
