Bügen Ğiraqnıñ Falluca şähärendä amerikan köçläreneñ Yaqın Könçığıştağı xärbi citäkçese general John Abizaidqa höcüm yasaldı, general üze isän-saw, dip xäbär itelä. Xärbi citäkçelärneñ berse, Mark Kimmit xäbär itüençä, Abizaid häm general mayor Charles Swannack utırğan maşinağa häm konvoyğa 3 granata atılğan, yaqındağı mäçettän ut açılğan: "Bügen Fallucada ikençe 13:30da general Abizaid häm general Swannack Ğiraq Sivil Saqlanu Könçläreneñ cirle bülekçäseneñ baş fatirına barğanda alarnıñ maşinalarına granatalar atıldı. Xärbilär häm tınıç keşelär arasında qorbannar yuq. Koalitsiä häm Ğiraqnıñ Sivil Saqlanu köçläre cawap itep ut açtı" dide amerikan xärbi wäkile.
Bügen Bağdadnıñ könbatışında bulğan şartlawda 5 keşe yaralanğan.
