12sе könne Tatarstanğa Rusiä Üzäk saylaw komissiäse Aleksandr Veşnyakov kilde.
Qazan hawa qırında anı Däwlät Şurası räise Färit Möxämmätşin häm respublikanıñ Üzäk saylaw komissiäse räise Anatoliy Fomin qarşıladılar. Qarşılaw çarasında Aleksandr Vişnyakov jurnalistlarğa- “Tatarstannıñ saylaw sistemasın reformalaw häm Rusiä Federatsiäse Prezidentı häm Tatarstan Däwlät Şurasına saylawlarğa äzerlekne qaraw maqsatı belän kildem dide. Ä Färit Möxämmätşin bez äle federal'' qanunnar belän kileşep betmibez- digän fiker äytte. Aleksandr Vişnyakovnıñ vizitı ike kön däwam itäçäk. Berençe könendä ul Yäşel Üzän rayonında cirle saylaw komissiälär eşçänlege belän tanışaçaq. İkençe könendä Üzäk saylaw komissiä äğzäläre, säyäsi firqälärneñ respublika bülekläre wäkilläre häm respublika citäkçelege belän oçraşaçaq. 13nçe fevral'' könne töştän soñ Rusiä Federatsiäseneñ Üzäk saylaw komissiäse räise “Tatmedia” agentlığında matbuğat oçraşuı ütkärergä niätli-dip xäbär itä “İntertat.ru”
Räsmi mäğlümat çaraları şulay uq 12nçe fevral''dän respublikada Rusiä prezidentı saylawları aldı agitatsiäse başlandı dip iğlan ittelär. Telekanallarnıñ saylaw aldı agitatsiäse öçen birergä tieşle buşlay efir waqıtı tulayım ber säğättän dä kim bulmasqa tieş häm bu waqıt eş könnärendä genä birelä. Federal'' kanallar da bu 20 säğät täşkil itä dip isäpläp çığarılğan.
1 federal'' kanalda pänceşämbe könne irtän barğan tele debatlarnı Tatarstan xalqı da qızıqsınıp küzätte. Şähär transportında, cämäğät urınnarın da fiker alışular işetergä bula. Şulay itep Tatarstanda da kübräk nämzät İrina Xakamadağa simpatiä kürsätälär. Alıp baruçını da “monda Vladimir Putinnı kiteregez- şunnan debatlar bulır”-dip şıp itep urınına quydı bit.
Yunıs Ätnäle.
