Rusiäneñ Gazprom şirkäte ägär dä Minski energiä öçen yuğarıraq tariflar belän tülärgä riza bulmasa Belarusqa tabiği gaz cibärüne tuqtataçağı turında belderde. Rusiäneñ energiä çığanaqlarına bäyle bulğan Belarus moñarçı gaznı töşerelgän bäyä belän satıp ala ide. Küpmeder waqıt Rusiä bäyälärne arttırırğa tırışa. Ämma bügen Gazprom vice prezidentı Aleksandr Ryazanov, söyläşülär näticäsez buldı, dip belderde. Şirkät üze 2004nçe yılnıñ başınnan birle Belarusqa gaz cibärmäde, ämma bäysez İtera häm TransNafta gaz tabu şirkätläre Gazprom tarafınnan raslanğan kileşülär nigezendä Belarusnı yağulıq belän tä'min itep tordı. Kompaniäneñ matbuğat wäkile äytüençä, ägär dä Belarus şuşı bäysez şirkätlär belän yaña kileşülär tözemäsä – anda 5-6 könnän gaz betäçäk.
