Accessibility links

Кайнар хәбәр

Ayatolla Ali Khamenei İran xalqın parlament saylawlarında aktiv qatnaşırğa çaqırdı


İrannıñ yuğarı ruxi citäkçese Ayatollah Ali Khamenei xalıqnı kiläse atnada uzaçaq saylawlarda aktiv qatnaşırğa çaqırdı. Tawış birügä kilü – saylawlarğa baykott iğlan itergä çaqırğan reformaçıl köçlärgä "yözlärenä suğu" bulıp torsın, dide Khamenei Tähran universitetında comğa wäğäze waqıtında. Tawış birüçelär – islam qimmätläre tarafdarların yaqlarğa tieş, dip östäne ruxi yulbaşçı.

İranda uzaçaq saylawlarnıñ ğadellegenä xäzer ük şik belderüçe Yevropa Berlege häm Yevropanıñ qayber ayırım däwlätlären Khameney kisken täñqitläde: "Qayber Yevropa däwlätläreneñ parlamentları İrandağı saylaw protsessına täkäbber qaraş belderä. Älbättä, alarnıñ ni äytüläre möhim tügel. teläsä närsä äytsennär. Bez dä alarnıñ nişlägännäre turında küp äyber äytä alır idek, häm äytäbez dä. Ämma bu däwlätlär, häm alarnıñ parlamentları belep torsın – bu süzdä genä qalğanda – bezgä barıber. Ämma bezneñ eşkä qatnaşırğa uylasalar – awızlarına suğaçaqbız" dide Khamenei.

İrannıñ saqçılar şurası 2 meñnän artıq reformaçıl namzätne saylawlarda qatnaştırmaw turında qarar qabul itkän qayber firqalär xalıqnı saylawlarğa barmasqa öndägän ide.
XS
SM
MD
LG