Accessibility links

Millätebezneñ böyek cırçısı- İlham Şakirov


15 – 16nçı fevral'dä Ğ.Tuqay isemendäge Tatar däwlät filarmoniäseneñ Konsertlar zalında İlham Şakirovnıñ tuğan könenä bağışlanğan kiçä uzdırıla.

Bu “Dönya matur , dönya kiñ”dip atalğan ädäbi muzıkal' kiçä bula. İlham Şakirovnıñ tatarlar arasında kem ikänen belmägän keşe yuqtır. Anıñ moñına ğaşıyq bulıp tärbiälänep üskän buınnıñ altın cebe , bügenge köndä tağı da nığiy bara. Şulay da İlham Şakirovnıñ - Rossiädä, sänğät ölkäsendä tanılğan, bik küp xezmät kürsätkän tatarlar arasınnan “Altın Appollon”bülägenä layıq bulğan berdänber şäxes ikänen küplär işetmägänder äle. Aña bu büläk 2000nçe yılnıñ 28nçe aprelendä Mäskäwdä birelä.

15nçe fevral'dä uzdırılğan kiçädä ul üze bik küp cırlar başqaraçaq. Şulay uq, kiçädä anı qotlap, tanılğan artistlar häm İlham Şakirovnıñ yäşlek dusları da qatnaşaçaq .

Bu kiçä turında Tatarstannıñ atqazanğan sänğät citäkçese, kiçäneñ ssenaristı, rejisserı häm dä alıp baruçısı Färdiä xanım Säfärğälieva söyli:

“Tanış moñnar, tanış isemnär”siklında alıp barılğan mondıy kiçälärne yıl sayın uzdırabız. Bıyıl İlham Şakirovnıñ tuğan könenä bağışlanğan kiçälär ike kön baraçaq. Anı qotlarğa cırçılar:Zilä Sönğätullina, Flürä Söläymanova, Röstäm Malikov, Aydar Fäyzraxmanov kiläçäklär.Şulay uq yäşli icadi dusları Şäwkät Ğäliev, Gäräy Räxim, İldar Yuzeyev, Robert Äxmätcanov,Rinat Yenikeyevlar da kiçädä qatnaşaçaq.”-dide ul.

Färdiä xanım, kiçädä “ İlham Şakirov isemendäge xalıqara tatar cırı konkursı”nıñ laureatı da çığış yasıy dip işetkän idek. Söyläp kitegez äle anıñ turında da.

Äye, İlham Şakirov bulışlığında, anıñ yärdäme belän eşli başlağan yäş tatar fol'klor muzıkası däwlät ansamble bıyıl bu konkursta lawreat buldı. Häm küp kenä törle illärgä dä gastrol`lärgä barıp qayttı inde. Anıñ sänğät citäkçese Aydar Fäyzraxmanov.”-dip cawap birde Färdiä Säfärğälieva.

İlham Şakirovnıñ tuğan könendä häm düşämbe könne Pawlyuxino uramında ( elekke Kirov mädäniät sarayında ), xäzerge filarmoniä zalında çın milli kiçä ütäçäk.

Älbättä, bu 15-16nçı fevral'dä konsertlar uzğan zalda tatar cırın, tatar moñın yaratqan millättäşlärebez cıyılır. İlham Şakirov ul bit cır, moñ söyçe xalıqnı berläşterüçe şäxes.

Azatlıq radiosı Mälikä Basıyr Qazan.

XS
SM
MD
LG