Accessibility links

Кайнар хәбәр

Yewropada anti-semitizmğa qarşı konferensiä


Bügen Früssel'dä Yewropa häm yähüd citäkçeläre Yewropada yähüdlärgä häm alarnıñ milkenä qarşı höcümnär arta barğanda anti-semitizmnıñ yañadan kütärelü qurqınıçı turında söyläşte. Nobel Tınıçlıq bülägen alğan Elie Wiesel älege yuğarı däräcä konferensiädä çığış yasap Yewropa qitğasına atnisemitizm albastısı qayta dide:

AUDİO: Yewropadağı yähüd cämğiätläre qurqu eçendä yäşi. Qayber urınnarda bu qurqu zurraq, qayberlärendä keçeräk. Ämma qurqu bar dide Wiesel.

Yähüd citäkçeläre Yewropada yähüdlärgä qarşı höcümnär öçen cäzalarnıñ qırıslatıluın, häm yäş buınğa yähüdlärneñ Yewropada küpläp üterelü tarixın öyrätüne teli. Yewropa citäkçeläre Yewropa Berlege Könçığış Yewropanı da üz eçenä alıp kiñäyergä cıyınğanda biredä anti-semitizmğa urın bula almıy dip belderde. Şul uq waqıtta Yewropa citäkçeläre İzrail'-Fälestin nizağı anti-semitizmnı canlandıruğa öleş kertä dip bu nizağnı tizräk çişärgä çaqırdı.
XS
SM
MD
LG