Mäskäw. Rusiä tışqı eşlär ministrınıñ urınbasarı Yuri Fedotov Berläşkän Millätlär wäkilläreneñ Mäskäw çäçän qaçaqların elek torğan cirlärenä köçläp qaytarırğa tırışa digän ğäyepläwlären kire qaqtı. BMOnıñ qaçaqlar belän eş itüçe yuğarı wäkile idaräse kiçä, şul maqsatta İnguşetiädäge qaçaq utarlarında cılı birü tuqtatıldı dip zarlanğan ide. Fedotov qaçaqlarnı köçläp Çeçnägä qaytaru oçraqların kire qaqtı, alar monı üzläre teläp kenä eşli ala dip belderde häm Berläşkän Millätlär wäkilläre belderüen döres bulmağan, ğäcäpländererlek dip bäyäläde. Elegräk Rusiä martnıñ 1-enä qädär İnguşetiädäge çäçän qaçaqları yäşägän utarlarnı yabırğa cıyınuın beldergän ide.
