Kampala. Ugandanıñ tönyağında andağı ğısyançılar 190-lap keşene ütergän. Xäbärlärgä qarağanda, "Allanıñ qarşılıq ğäskäre" dip atağan qorallı törkem başqala Kampaladan 250 çaqrım tönyaqta yatqan Lira şähäre yanındağı qaçaqlar utarın yandırğan, andağı keşelärne qırıp çıqqan. Uganda qorallı köçläre xäzer şul törkemne ezärlekli dip xäbär itelä. Şuşı ğısyançılar inde 18 yıl däwamında Uganda xökümätenä qarşı qorallı köräş alıp bara.
