Cluj, Rumıniä. Biredä yäşäwçe yözlägän macar, ikençe dönya suğışı waqıtında cinayätlär qıluda şiklänelep ülemgä xökem itelgän, xäzer inde märxüm şağir Albert Wassnı aqlaw taläbe belän çıqtı. Transilvaniädä tuğan Wass 1946-nçı yılda Rumıniädäge kommunistik mäxkämä tarafınnan, üzennän başqa ğına ülem cäzasına xökem itelgän ide. Suğış azağında ul başta Germaniägä qaça, annarı Quşma Ştatlarğa kitä, anda xäbärçe häm uqıtuçı bulıp eşli. Wass 1998-nçe yılda wafat bulğançı rumın yağı ğäyepläwlären kire qağıp kilde.
