BMOnıñ kötelgän xisabı nixayät düşämbedä iğlan itelde. Anda Ğıraqta yıl azağında saylawlar ütkärü öçen şartları bilgelänsä dä, politik xakimiätne tapşıru mäsäläsendä kiñäşlär yuq.Kofi Annannıñ kiçä iğlan itkän xisabı Fevral başlarında Bagdadta bulıp qaytqan törkem tarafınnan äzerlände.Törkem Ğıraqta saylawlar ütkärü turında här kem kileşä ämma ğädel saylawlar 30nçe iyünnän elek ütkärelä almıy dip belderä.30nçe iyündä AQŞ citäklägän koalitsion köçlär xakimiätne ğıraqlılarğa tapşıra. K.Annan Tokyoda bu turıda söyläşülär alıp barğannan soñ parlamentta yasağan çığışında (audio):
BMOnıñ saylaw törkeme demokratik idarä oyıştıru häm rekonstruksiä öçen saylawlarnıñ zarur adım buluı häm suverenlekneñ 30nçe iyündä waqıtlı xökümätkä qaytarılırğa tieşlege turında ğıraqlılar arasında konsensus buluın kürde. Ni qızğanıç ki ışanıçlı saylawlarnı 2004nçe ylınıñ 30nçe iyünnän elek ütkärep bulmıy.
BMO törkeme waqıtlı xökümät turında ğıraqlılarnıñ bik törle fikerlären işetkäç , ul üz kiñäşlären saylaw äzerlekläre belän genä çikläde .Xisapta saylawlarnıñ ısul tärtip qısaları turında konsensusqa ireşkäç , ğädel saylawlar ütkärü öçen 8 ay waqıt kiräk dielgän.BMOnıñ Bagdadta bulıp qaytqan saylaw belgeçe Carina Perelli saylawlarnı planlaştırğanda küz aldında totılırğa tieşle töp mäsälälär turında bolay di:(audio)
Kem tawış birergä xoquqlı, nindi nigezdä tawış birelä,tawış birü okrugları , saylaw sisteması. saylawçılar niçek terkäläçäk, birelgän tawışlar niçek sanalaçaq kebek mäsälälärdä kileşü kiräk
Perelli faraz itelgän 30meñ tawış birü urını öçen ğıraqlılarnı künegüdän ütkärü kiräk dip äytte. BMO xisabında ğıraqlı citäkçelär may ayına qädär legal qısalar turında kileşä alaçaqların belderde dip yazılğan.BMO belgeçläre saylawlarğa äzerlektä berençe adım itep Ğıraqnıñ bäysez saylaw komissiäsen buldırunı kiñäş itä.häm komisiä oyıştıru öçen resurlar tämin itelergä tieş di.Perelli jurnalistlarğa saylawlarnıñ ütä kürenmäle ışanıçlı buluı ğıraqlılar öçen bik möhim dip äytep (audio) , bu waqıtlı saylawlar öçen tämam yaña bäysez saylaw komissiäse oyıştırılırğa tieş, ğıraqlılar öçen eçke eşlär ministırlığı bülege yäki departamentına qarağanda yaña komisiä ışanıçlıraq bulaçaq .
Perelli komisiädä kemlär utıraçaq qararnı ğıraqlılar biräçäk ämma BMO yardäm kürsätergä äzer di.Şul arada Waşington BMOnıñ politik rolen yaqlawın kürsätkän işarälär cibärä.Politik küçeş çorında iminlek bik möhim mäsälä .BMOxisabında da bu telgä alına häm 30yıllıq diktaturadan soñ Ğıraqtağı xällär taswirlana.Ğıraqlılar BMO törkeme belän oçraşularda xezmättäşlek itü fikeren yaqlağan.Perelli BMO räsmiläreneñ Könçığış Timor kebek köç qullanılğan urınnarda da saylawlar ütkärü täcribäse buluın xäterlätä.Annannıñ baş wökile Lahdar Braximi ğıraqlılarnıñ waqıtlı xökümät turında konsensusqa ireşüläre öçen töp rolne uynayaçaq dip kötelä.Aljirnıñ eleke tışqı eşlär ministırı Braximi BMOnıñ in sälätle diplomatlarınnan berse dip sanala
färidä xämid, praga
färidä xämid, praga