Al Qaida terror oyışması, köç qullanuçı dönya küläm möselman xäräkätenä äylände häm ul AQŞ belän berektäşlärenä qurqınıç tudıra dip äytte G.Tenet. CİA citäkçese senatnıñ küzläw komitetı aldında yasağan çığışında al Qaidanıñ möhim äğzaları qulğa alındı , ul inde 2001nçe yılnıñ 11nçe sintäberendän elek bulğan kebek effektiv operatsiälär alıp bara almıy. AQŞ häm berektäşläre al Qaidanıñ planlaştıru ,künegü,şulayuq Pakstan Suğut Ğäräbstäne häm Yemendä yaña äğzalar alu sälätenä zian kiterde , törkem älege waqıtta üz başına xäräkät itkän cirle çeltärlär tuplanması bulıp tora dip söyläde CİA citäkçese global qurqınıçlar turındağı yıllıq çığışında
Tenetneñ çığışı küzläw oyışmasınıñ suğıştan elek Ğıraq qoralları turındağı farazları säbäple nıq tänqitlängän waqıtqa turı kilde.Prezident Bush küzläw idaräläre mäğlümätenä tayanıp suğış başlattı, ämma suğıştan soñ da äytelgän qorallar tabılmadı. Şunlıqtan bälkim dä ul bu märtäbä bäyäläwlärendä saqlıq kürsätte.Tenet süzlärençä(audio)
AQŞ alıp barğan suğışta iqtibar cälep itärlek alğa kiteş bar,.ämma mine yalğış añlamağız-min al Qaida ciñelde dip äytmim. Ciñelmäde.Bez äle dä suğış alıp barabız. Bu AQŞ, anıñ duslarına berektäşlärenä höcüm oyıştırunı yöklängän oyışmanı öyränü bulıp tora,
Al Qaidanıñ zäğiflängän xälenä qaramastan törkem häm anıñ citäkçese Osama bin Laden, ike yıl yarım elek NY, Waşington häm Pensilvaniädä yaqınça 3meñ keşeneñ ülemenä säbäp bulğan höcümnärgä oxşaş cimergeç eşlär oyıştıru öçen kiräkle qorallarnı tabu vä qullanu mäqsatın quya. Bin Laden başqa sönni möselman ekstremist törkemnären anıñ yulınnan baruları , AQŞ, berektäşlärenä häm alarnıñ säyäsätenä qarşı köç qullanuları öçen ruxlandıra. Tenet bu täräqiätne al Qaidanıñ radikal köntärtibe belän ağulanğan dönya küläm xäräkät dip atadı. Ul östäp tağı bolay dip äytte(audio)
Osama bin Ladennıñ sönni ekstremist xäräkätendä tizlektä üsä barğan anti amerikançılıq xisläre häm al QAidanıñ cimergeç täcribäseneñ tizlektä cäyelä baruı, yaqın kiläçäktä al Qaida yäki ansız zur qurqınıçnıñ qala biräçägen garantiäli.
Senat komitetı aldında Federal Tikşerü Burosı FBİnıñ başlığı Robert Müllär dä çığış yasadı. Müllär senatorlarğa bez Gretsiädä bulaçaq Olimpia uyınnarı häm AQŞta cäyen uzaçaq säyäsi partiälärneñ qorıltayları waqıtında iminlek çaraları turında borçılabız dip söyläde.
Xabärlärgä qarağanda Pakstan_äfgan çigendä Pakstan armiäse taliban häm al Qaida suğışçılarına qarşı 2001nçe yılda Tora Boranıñ taulıq regionnarındağı suğışlardan soñ in zur operatsiä alıp bara.Mulla Ömer belän Osama bin Ladennneñ 16 quadrat kilometrlıq zonada qamau astında toruı turında xabärlär bulsa da, Pakstan yağı moñı kire qaqtı. Törle qabilälärneñ bäysezlek taläp itkän Wäziristan töbägendä İslamabat zur xärbi operatsiä oyıştırıp qotqı çığarırğa telämi. Andıy eştän totılıp kilä, Ämma küptän tügel genä Pakstannıñ atom serläre säwdäseneñ faş itelüenä qarata AQŞnıñ reaksiäse ällä ni köçle bulmadı ,ul Müşerefneñ armiä bu eşne belmäde digän belderüenä riza buldı. Pozitsiäse zäğiflängän Müşärref AQŞnıñ yaqlauına kübräk moxtaç,şunlıqtan başlatılğan xärbi operatsiä şulayuq anıñ Dähligä açıq çıray kürsätüenä dä Waşingtonnıñ eşe dip qarap bula.İslamabad bu argumentlarnı kire qağıp älegäçä 500 Äl Qaida häm Taliban suğışçısın qulğa aldıq dip belderä. AQŞta saylaw aldı kampaniäse başlanğan häm terrorğa qarşı suğışta uñış xabärläre bik tä kiräkle
färidä xämid, praga
färidä xämid, praga