Ğiraqnıñ amerikannar bilgelägän İdarä Şurası äğzaläre yaña konstitutsiä äzer bulğançı il öçen waqıtlıça qanunnarnıñ proektın äzerläw turında söyläşülärne bügen däwam itte. Şimbä könne äzer bulırğa tieşle qanun ölgesendä alğa kiteş barmı – bu turıda ber ni dä xäbär itelmi. Kiçä Quşma Ştatlarnıñ BMOdağı wäkile John Negroponte, İdarä Şurası kiräk waqıtqa qanun ölgelären äzerläp beterä almas, dip borçıluın belderde.
Bağdadtan könbatışqa taba ber 200 çaqrım yıraqlıqta , Haditha şähärendä amerikan boralağı yılğağa töşkän. İke keşe hälak bulğan. Qazanıñ säbäbe – mexanik xata bulğan dielä.
Tönyaqtağı Mosul şähärendä bilgesez qorallı keşelär şähärneñ politsiä başlığı urınbasarı general Hikmat Mahmudnı häm yuğarı xärbi wäkile general Anfel İllah al-Anaznı atıp ütergän.
