Keçkenä buluı säbäple dönya xaritasında tabası da qıyın Qatarnı xökem itü eşenä Rusiäneñ tışqı eşlär ministrı İgor'' İvanov üze quşıldı, xörmätle tıñlawçılar. Mäskäwdä uzğan matbuğat oçraşuında ul üz ileneñ Yandarbievne üterügä qatnaşı bulmawın qabatladı häm Qatar yağınıñ üzendä ike urıs watandaşın qulğa aluı nigezsez dip belderde.
Audio, İgor İvanov
Şulay itep İgor İvanov Qatarda qulğa alınğan urıslarnıñ elekke çäçän prezidentı utırğan maşinanı şartlatuğa häm näticädä anı üterügä qatnaşı bulmawın belderä. Läkin ul şulay da alarnıñ maxsus xezmätlärdä eşläwen tanıy.
Audio, İgor İvanov
"Älege xezmätkärlär Qatarda tieşle qanun nigezendä, däräcäläre quşqança ilçelekkä berketelgän kileş qalğan ide, alar cirle qanunnarnı bozmıy ğına xalıqara terrorğa qarşı köräş qısalarında mäğlümat cıyu eşen alıp bardı" di Rusiä tışqı eşlär ministrı Qatarda qulğa alınğan ike urıs watandaşı turında. Ämirlekneñ politsiäse başta 3 şikle keşene totqarlağan ide, läkin şularnıñ bersendä diplomatik pasport bulu säbäple ul anıñ xucasın azat itte. Cäxär Dudaevtan soñ çäçän prezidentı bulıp torğan, läkin soñğı yıllarda Qatar ämirlegendä yäşägän Zälimxan Yandarbiev näq ike atna elek, comğa namazınnan çığıp maşinasına utırğannan soñ, anda bomba şartlaw näticäsendä hälak buldı. Yandarbiev belän tağın ike keşe üterelde, ä anıñ yäşüsmer ulı qatı cäräxätlär aldı dip xäbär itelgän ide. Qatar yağı şuşı şartlawnı oyıştıruda şiklänelgän häm xäzer inde cirle mäxkämä tarafınnan räsmi töstä ğäyeplängän Rusiä watandaşlarınıñ isemen atamadı. Ğomumän, şuşı waqiğä tiräsendä mäğlümat qıtlığı nıq sizelä. Şuña da İgor'' İvanovnıñ Mäskäwdäge soñğı belderüläre, häm anıñ bigräk tä, Qatarda qulğa alınğan urıslarnıñ ilçelek belän bäyläneştä torğan maxsus xezmät keşeläre buluın tanuı Rusiä belän Qatar arasındağı cäncalğa iğtibarnı tağın da arttıra ğına. Räsmi Mäskäw beryaqtan Yandarbievne üterügä qatnaşı bulmawın täqrarlap torğanda, tışqı eşlär ministrı däräcäsendä keçkenä genä Qatardağı Rusiä ilçelegendä maxsus xezmät keşeläre eşläwen açıqtan-açıq tanuı Mäskäwneñ çınnan da elekke çäçän citäkçesen üterü teläge zur buluın kürsätä ala. Mäğlüm ki, Rusiä inde elek tä Qatar xakimiatennän Yandarbievne üzenä tapşırunı taläp itkän ide. Monı xalıqara terrorğa qarşı köräşkä bäyläw yözennän Mäskäw soñğı yılların berqaya da çıqmıy Qatarda yäşägän Zälimxan Yandarbievne 2002-nçe yıl üktäbrendä Dubrovkadağı teatrnı yawlap aluğa qatnaşı buluda da ğäyepläp qaradı. Moñardan tış, ul çäçän suğışçıları öçen ğäräp dönyasında aqça tuplawçı bularaq sürätlänep kilde. İgor'' İvanov şuşı ğäyepläwlärne yänä qabatladı häm Qatarnı da, terrorğa qarşı köräş ölkäsendä alğan yöklämälären ütämäwdä ğäyepläde.
Audio, İgor'' İvanov Rusiä tışqı eşlär ministrınıñ şul däräcädä qırıs belderü belän çığuı Farsı qultığındağı keçkenä genä ämirlekne beraz qurqıtıp, başqalarnı da çäçännärgä yardäm itüdän kisätü maqsatın quyğan bulsa kiräk. Tağın şul da bar - prezident Putin qoraçaq yaña xökümättä tışqı eşlär ministrınıñ başqa isemdä buluı da bik mömkin.
Kärim Kamal, Praga
Audio, İgor İvanov
Şulay itep İgor İvanov Qatarda qulğa alınğan urıslarnıñ elekke çäçän prezidentı utırğan maşinanı şartlatuğa häm näticädä anı üterügä qatnaşı bulmawın belderä. Läkin ul şulay da alarnıñ maxsus xezmätlärdä eşläwen tanıy.
Audio, İgor İvanov
"Älege xezmätkärlär Qatarda tieşle qanun nigezendä, däräcäläre quşqança ilçelekkä berketelgän kileş qalğan ide, alar cirle qanunnarnı bozmıy ğına xalıqara terrorğa qarşı köräş qısalarında mäğlümat cıyu eşen alıp bardı" di Rusiä tışqı eşlär ministrı Qatarda qulğa alınğan ike urıs watandaşı turında. Ämirlekneñ politsiäse başta 3 şikle keşene totqarlağan ide, läkin şularnıñ bersendä diplomatik pasport bulu säbäple ul anıñ xucasın azat itte. Cäxär Dudaevtan soñ çäçän prezidentı bulıp torğan, läkin soñğı yıllarda Qatar ämirlegendä yäşägän Zälimxan Yandarbiev näq ike atna elek, comğa namazınnan çığıp maşinasına utırğannan soñ, anda bomba şartlaw näticäsendä hälak buldı. Yandarbiev belän tağın ike keşe üterelde, ä anıñ yäşüsmer ulı qatı cäräxätlär aldı dip xäbär itelgän ide. Qatar yağı şuşı şartlawnı oyıştıruda şiklänelgän häm xäzer inde cirle mäxkämä tarafınnan räsmi töstä ğäyeplängän Rusiä watandaşlarınıñ isemen atamadı. Ğomumän, şuşı waqiğä tiräsendä mäğlümat qıtlığı nıq sizelä. Şuña da İgor'' İvanovnıñ Mäskäwdäge soñğı belderüläre, häm anıñ bigräk tä, Qatarda qulğa alınğan urıslarnıñ ilçelek belän bäyläneştä torğan maxsus xezmät keşeläre buluın tanuı Rusiä belän Qatar arasındağı cäncalğa iğtibarnı tağın da arttıra ğına. Räsmi Mäskäw beryaqtan Yandarbievne üterügä qatnaşı bulmawın täqrarlap torğanda, tışqı eşlär ministrı däräcäsendä keçkenä genä Qatardağı Rusiä ilçelegendä maxsus xezmät keşeläre eşläwen açıqtan-açıq tanuı Mäskäwneñ çınnan da elekke çäçän citäkçesen üterü teläge zur buluın kürsätä ala. Mäğlüm ki, Rusiä inde elek tä Qatar xakimiatennän Yandarbievne üzenä tapşırunı taläp itkän ide. Monı xalıqara terrorğa qarşı köräşkä bäyläw yözennän Mäskäw soñğı yılların berqaya da çıqmıy Qatarda yäşägän Zälimxan Yandarbievne 2002-nçe yıl üktäbrendä Dubrovkadağı teatrnı yawlap aluğa qatnaşı buluda da ğäyepläp qaradı. Moñardan tış, ul çäçän suğışçıları öçen ğäräp dönyasında aqça tuplawçı bularaq sürätlänep kilde. İgor'' İvanov şuşı ğäyepläwlärne yänä qabatladı häm Qatarnı da, terrorğa qarşı köräş ölkäsendä alğan yöklämälären ütämäwdä ğäyepläde.
Audio, İgor'' İvanov Rusiä tışqı eşlär ministrınıñ şul däräcädä qırıs belderü belän çığuı Farsı qultığındağı keçkenä genä ämirlekne beraz qurqıtıp, başqalarnı da çäçännärgä yardäm itüdän kisätü maqsatın quyğan bulsa kiräk. Tağın şul da bar - prezident Putin qoraçaq yaña xökümättä tışqı eşlär ministrınıñ başqa isemdä buluı da bik mömkin.
Kärim Kamal, Praga