Bügen Liviä – ximik qoral tutırılırğa tieş bulğan 3 meñ 300 bombanı yuq itergä tieş ide. Hague'ta urnaşqan Ximik Qoralnı Tıyu Oyışması belgeçläre bu eşne qarap torırğa tieş, älege çaralar 5 martqa qadär däwam itäçäk, dip kötelä.
Dekabr ayında Liviä üzendäge ximik, biologik häm atom qoralların yuq itäçäge turında belderde. Kiçä isä Amerika Quşma Ştatları amerikan watandaşlarınıñ Liviägä baruın tıyğan, 23 yıl buyına ğamäldä bulğan çikläwlärne beterüe turında iğlan itte. Liviä tışqı eşlär ministrı Abdel Rahman Şalqam bu xäbärne xuplap qarşı aldı, amerikan räsmiläreneñ qararı "bik uñay" dip belderde.
