Accessibility links

Кайнар хәбәр

Aq bars sınattı


Pänceşämbe Qazanda sport köne disäñ dä bula ide. Çönki 4 martta başqalada xalıqnıñ iñ yaratqan uyınnarı - xokkey häm futbol matçları uzdı. Ütkän sezonda 3 urınnı yawlağan Qazannıñ Rubin futbol komandası Mäskäwneñ Lokomotiv klubı belän oçraştı. Qazanlılar mäskäwlär aldında qurqıp qalmadı, matçta bergä ber xisabına ireştelär. Şulay itep, pänceşämbe könne, yañğırlı qar yawıp torğanda Rubin bıyılğı yılnıñ uyın sezonın şaqtıy uñışlı ğına açıp cibärde. Ä menä Aq bars xokkey klubı bu könne tağın sınattı. Alarnıñ bu uyındağı ciñelülärenä kürşe Başqortstannıñ Salawat Yulaev klubı ğäyeple. Aq barsnıñ älege komanda belän uyınnarı Qazanda da, Ufada da bik zur iğtibarnı cälep itkänne istä totqanda, bu ciñelüneñ nigä başqalardan da ayanıçraq buluı añlaşıla. Qızğanıçqa qarşı, Tatarstan xokkeyçılarına tribunada alarğa köç birep utırğan Mintimer Şäymiev, Färit Möxämmätşin, xätta Zilä Wälieva da bulışa almadı.

Gölnaz İlgizär

XS
SM
MD
LG