Ğiraqta AQŞ bilgeläp quyğan İdarä Şurasınıñ şiği äğzası Muafaq är-Rubai şiğilarnıñ ruxi citäkçese Ayatulla äs-Sistani belän waqıtlı konstitutsiä turında kileşügä ireşelde dip belderä.
Är-Rubai konstitusiä räsmi räweştä irtägä imzalanır dip ömetlänüe turında äytte:
AUDİO: Häm minemçä bezgä kübräk waqıt kiräk bulaçaq, häm min bez bu dokumentnı imzalıy alaçaqbız dip ömetlänäm. Alla boyırsa, düşämbe irtän bez bu dokumentnı imzalıy alaçaqbız dide är-Rubai.
Waqıtlı konstitutsiäneñ tekstı üzgärtelmägän dip xäbär itelä. Är-Rubai jurnalıstlar aldındağı çığışın ildä küpçelekne täşkil itüçe şiğilarnıñ ruxi yulbaşçısı äs-Sistani belän oçraşqannan soñ yasadı. Bu konstitutsiä 28-nçı Fevral'dä ük qabul itelergä tieş dide. Ul saylanğan parlament tarafınnan raslanaçaq daimi konstitutsigä qädär ğämäldä bulaçaq. Äs-Sistani waqıtlı konstitutsiäneñ 2 matdäsenä qarşı çıqqannan soñ uzğan comğada Ğiraq İdarä Şurasınıñ şiği äğzaları anı imzalawdan baş tarttı. Ğiraqtağı AQŞ waqıtlı idaräse başlığı Paul Bremer Amerikanıñ Fox News televideniesenä bu kileşügä ireşüne raslıy almawı turında belderde.
AUDİO: Häm minemçä bezgä kübräk waqıt kiräk bulaçaq, häm min bez bu dokumentnı imzalıy alaçaqbız dip ömetlänäm. Alla boyırsa, düşämbe irtän bez bu dokumentnı imzalıy alaçaqbız dide är-Rubai.
Waqıtlı konstitutsiäneñ tekstı üzgärtelmägän dip xäbär itelä. Är-Rubai jurnalıstlar aldındağı çığışın ildä küpçelekne täşkil itüçe şiğilarnıñ ruxi yulbaşçısı äs-Sistani belän oçraşqannan soñ yasadı. Bu konstitutsiä 28-nçı Fevral'dä ük qabul itelergä tieş dide. Ul saylanğan parlament tarafınnan raslanaçaq daimi konstitutsigä qädär ğämäldä bulaçaq. Äs-Sistani waqıtlı konstitutsiäneñ 2 matdäsenä qarşı çıqqannan soñ uzğan comğada Ğiraq İdarä Şurasınıñ şiği äğzaları anı imzalawdan baş tarttı. Ğiraqtağı AQŞ waqıtlı idaräse başlığı Paul Bremer Amerikanıñ Fox News televideniesenä bu kileşügä ireşüne raslıy almawı turında belderde.
