Accessibility links

Кайнар хәбәр

İran atom texnologiäläre turında nindi dä bulsa mäğlümatne yäşergän buluın kire qağa


Bügen Avstriä başqalasında BMOnıñ Xalıqara Atom Agentlığınıñ İdarä Şurası utırışın açıp, agentlıqnıñ başlığı Möhammäd ElBaradei, "İrannıñ atom eşçänlege agentlıqnıñ kontrolendä qalırğa tieş" dip belderde. İrannıñ tıyılğan atom texnologiälären citeştermäwe turındağı farazlarnı yuq itü – Tährannıñ agentlıq belän xezmättäşlegenä bäyle, dide ElBaradei, häm üzenä ışanıç tudırır öçen İranğa yıllarça xezmättäşlek itergä häm açıq säyäsät alıp barırğa kiräk bulaçaq, dip östäde ul: "Minemçä, ägär dä bu mäs'älä köntärtibennän töşsä, idarä şurası bäxetle bulaçaq. Bez İrannıñ elekke atom eşçänleklären tikşerdek, xäzer inde mäs'äläneñ xäl itelüe – İran belän bulaçaq xezmättäşlekkä bäyle, bez moña ömetlänäbez" dide Atom agentlığı başlığı. ElBaradei süzlärençä, İran häm Liviä küp yıllar Atom Qoralın Cäyeldermäw turındağı Kileşüne bozıp kilde, ämma Liviä küptän tügel böten serläre açaçağın beldergän ide, häm İran da monı eşlärgä tieş, dide ElBaradei. Dekabr ayında İran ildä tikşerülär uzdırırğa röxsät birgän östämä protokolğa qul quydı. Räsmi Tähran – üzeneñ nindi dä bulsa mäğlümatne yäşerüen kire qağa.
XS
SM
MD
LG