Fälestin premyer-ministrı Ahmed Qurei bügen Amerika Quşma Ştatlarınıñ körçekkä terälgän Fälestin-İsrael nizağın çişügä qatnaşuın soradı. Londonda premyer-ministr Tony Blair belän oçraşu aldınnan Qurei, Waşingtonnıñ "tınıçlıq yulı" planın ğamälgä kertergä "säyäsi häm moral" cawaplılığı bar, dip belderde. Mäğlüm bulğança, planda 2005nçe yılğa qadär fälestin däwläten tözü küzdä totıla.
Ul arada kiçä Gaza sızığında 14 fälestin keşese, alar arasında 16 yäşkä qadärge 3 malay üterelgännän soñ, fälestin suğışçıları İsraeldän monıñ öçen üç alaçaqların belderde.
İsrael saqlanu ministrı urınbasarı Zeev Boim, İsrael ğaskärläre Gaza Sızığında reydların däwam itäçäk, dip belderde.
Bügen Gazada İsrael xärbiläre tağın ber yäşüsmer fälestin malayın ütergän dip xäbär itelä.
