İctimaği üzäkneñ saylawlarğa mönäsäbäte xaqında uzğan xäbärebezdä söyli başlağan idek xörmätle tıñlawçılarıbız. Rusiä prezidentı saylawlarına qarata möräcäğät eçtälege belän berniqädär tanıştırdıq inde. Tatarstan Däwlät Şurasına saylawlarğa mönäsäbät xaqında Bötentatar ictimaği üzäge 14 fevral'dä uzğan plenumında uq möräcäğät qabul itelde. Çärşämbe könne uzğan matbuğat oçraşuında İctimaği üzäk citäkçelege parlament saylawlarında qatnaşu dälillären açıqladı. İnde xäbär itkänebezçä milli xäräkät liderları parlament saylawlarına sul köçlär-Rusiäneñ kommunistik eşçe firqäse isemleklärendä bara. Ni öçen? Matbuğat oçraşuında berençe säbäp itep Däwlät Şurasınıñ elekkege çaqırılışları deputatları arasında milli mänfägat'lärne tieşençä nıqlı itep yaqlıy alırlıq deputatlar bulmawı. İkençe säbäp... yäğni saylawlar tärtibe üzgärgängä kürä bulaçaq parlamentnıñ küpçelege ere sänäğät şirkätläre direktorlarınnan oyışırğa mömkin. Bilgele ul dairälär milli mäs'älälärdän yıraq toralar. Öçençe säbäpkä... yäğni deputat bulıp saylanuçılar arasında almaş bulmawı xaqında İctimaği üzäk räise Räşit Yagfärov satirik şiğer yazğan ikän. İctimaği üzäk tiräsendäge tağın ber qatlawlı wäzğıät turında matbuğat oçraşuında süz kütärelmäde kütärelmäwen. Bu säyäsät belän bäylänmägän. Şulayda saylawlar aldınnan İctimaği üzäkneñ matdi xäle qatlawlı fazağa kergän. Matbuğat oçraşuı aldınnan Qazannıñ Vaxitov rayonı mäxkämäsennän- töştän soñ sezgä mäxkämä qararların ütäwçelär kilä-dip çıltırattılar. Eş şunda ki uzğan yıl arenda öçen tülämägän öçen arbitraj mäxkämä şähärneñ kommunal' idäräse belän arenda kileşüen tuqtatu turında qarar çığarıp quyğan bulğan. Gärçä yıl azağında dekaber ayında TİÜ burıçların tüläp betergän häm kileşüne ozaytu turında ğariza yazğan bulsada. Xäyer ul arada ut, su, cılıq öçen dä burıçlar cıyılğan inde. Monısı öçen dä mäxkämägä çaqırtu qäğaze kilgän inde.
Yunıs Ätnäle.
