Accessibility links

Кайнар хәбәр

Matbuğatqa küzätü


Mädäni comğa gäciteneñ 12 mart sanında küp kenä tanılğan, qızıqlı şäxeslär turında uqıp bula. Zur ğalimneñ asıl ğämälläre digän mäqälädä jurnalist Niaz Aqmal ğalim İldus Xäybullin xaqında yaza. Ul Rusiä Fännär akademiäseneñ äğzäse, SSSRnıñ häm Tatarstannıñ däwlät büläkläre iäseneñ fänni eşçänlege, tormış xaqında fikerläre belän tanıştıra. Filüsä Arslannıñ yazması isä cırçı Şamil Äxmätcanov xaqında. 37 yıl ğömeren Tatar cır häm biü ansamblenä bağışlağan artist xaqında Ğarif Axunov, millätebezneñ cır sänğäte xäzinäsendä sineñ icat enceläreñ dä yaltırap, cemeldi, dip yazğan bulğan ikän. Gäcitneñ şul uq sanında tağın ber kürenekle ğalim xaqında mäqälä urın alğan. Filologiä fännäre kandidatı Läylä Minhaceva üzeneñ ostazı, şuşı arada 65 yäşlek yubileyın bilgeläwçe tatar ädäbiäte tarixın öyränüçe Flün Musin xaqında söyli. Annan tış, Mädäni comğada şulay uq yaqınlaşıp kilüçe saylawlar uñayınnan da materiallar bik küp basılğan.

Xäyer, bu temağa barlıq gäcitlärdä dä yazmalar şaqtıy. Watanım Tatarstan da başqalardan qalışmıy. Monda Vladimir Putinnıñ möräcäğäte, uquçılarnıñ saylawlar xaqında xatları, Tatarstannıñ üzäk saylaw komissiäse wäkile belän äñgämä urın alğan. Başqa qızıqlı yazmalar da kürenä. Mäsälän, Bikä Räximova yazuçı Ayaz Ğiläcev xaqında istäleklären täqdim itä. Ä Tatarlıqnı niçek saqlarğa digän sorawğa cawapnı ğalimnär Flün Musin häm Rämil İslamov ezlilär. Qazannıñ meñyıllığı teması da iğtibarsız qalmağan.

Şähri Qazannıñ 12 mart sanında yartı ğasır tarixi watannarınnan mäxrüm itelgän qırım tatarlarınıñ kire üzläreneñ yäşäw räweşlärenä qaytuları, ata-babaları tuplağan mirasnı barlawları xaqında yazma bastırılğan. Şulay uq gäcitneñ İlhamiät quşımtasında Tatar uğlı tatarlıqta tatarmı digän mäqälädä Lenar Şäexov tatar telen däwlät tele däräcäsenä kütärü yünäleşendäge kirtälät turında fikerlären belderä.

Gölnaz İlgizär

XS
SM
MD
LG