İran räsmiläre Xalıqara Atom Energiä İdaräse belgeçläreneñ İranğa bulası säfären kiçekterü turında belderde. İrannıñ İdarädäge wäkile Piruz Xösäyeni monı yaqınlaşıp kilgän Näwrüz bäyräme belän añlattı. Säfärneñ yaña waqıtı iğlan itelmäde. Ul arada İdaräneñ Venada barğan utırışında İrannıñ atom programmasın tikşerü däwam itä. İdarä bu yulı qırıs qarar çığarır dip kötelä. Kiçä İran räsmiläre qırıs qarar çığarılğan oçraqta İdarä belän xezmättäşlegen tuqtatu belän yanağan ide.
