Accessibility links

Кайнар хәбәр

Ufa Qazannan da borınğıraqmı?


Elegräk tä xäbär itüebezçä, Başqortstannıñ qayber ğälimnäre, ayıruça başqort xalqı tarixın öyränüçe ğälimnär Ufa şähäreneñ äle räsmi ataluçı yäşennän küpkä borınğıraq şähär buluı turında süz quyırta başlağan ide. Ul xaqta qayber gäzitlärdä mäqälälär dä basılıp çıqqan ide. Älege şawqım berara tuqtalıp torğannan soñ, menä tağın bu xaqta höcümçän eş başlandı. Başqort telle gäzitlärdä, radio häm telewidenie kanallarında Ufanıñ meñ yıllıq, ä, bälki ike meñ yıllıq tarixı buluı xaqında çığışlar soñğı könnärdä yaña ber dulqın bulıp arttı. Mäğlüm ki, bıyıl räsmi töstä Ufanıñ 430 yıllıq yübileye bilgelänä. Ämma başqort ğälimnäre fikerençä, Ufağa kimendä 1 meñ yıl bar. Ä professor, Bötendönya Başqort qorıltayı Başqarma komitetınıñ elekke räise Niäz Mäcitov Başqortstan telewideniesendä 12 marttağı tapşıruda qatnaşıp, Ufağa xätta 1 meñ yarım – 2 meñ yäş tä bulırğa mömkin dip belderde. Şul uq Niäz Mäcitov Qazan şähäreneñ 1 meñ yıllıq tarixı buluın bik ansat qına isbat itep quyuğa rizasızlığın belderä. «Qazan Kremle tiräsendä qazınular waqıtında berniçä timer aqça taptılar da, şunıñ belän aña meñ yıl ikän digän näticä çığardılar», – di Niäz Mäcitov. – Başqort ğälimeneñ şulay itep Qazan şähärenä meñ yıl tuluına eçe poşa ikän. «Tatarlar aqıllı, – di Mäcitov äfände. – Alarnıñ citäkçeläre dä millät xästäre belän yäşi. Qazannıñ meñ yıllığın isbat itüdä şuşı şähärneñ merı Qämil İsxaqov ta üzeneñ zur öleşen kertte. Ä bez Başqortstan xakímítlarına Ufanıñ borınğılığın tikşerü häm isbat itü eşlären nıqlap başlarğa kiräk digän täqdim belän küptän inde möräcäğät itep kilsäk tä, alar moña iğtibar da itmi».

Başqortstanda xäzer Niäz Mäcitov kebek uylawçı başqort ğälimnäre artqannan – arta. Üz süzenä üze dä ışanğan Xuca Näsretdinne xäterlätep quya alar qayçaqta. Bälki Ufağa çınlap ta 430 yıl ğına da tügelder, bälki anıñ beraz borınğıraq buluı da xaqtır. Ämma aña 1 meñ yıl, xätta 2 meñ yıl bulırğa mömkin dip belderüçe başqort akademíkları häm professorları, çama xisen yuğaltıp, älege mäsäläne bötenläy mäzäk xälgä genä töşerä. Qazan şähärenä meñ yıl bulğaç, nigä äle Ufa añardan qalışırğa tieş digän fikerdän çığıp qına üzençä ber yarışqa ırğılğan köndäşlärne xäterlätä alar.
XS
SM
MD
LG