Yäkşämbedä Tatarstanda, Rusiä prezidentı belän berrättän, Respublikanıñ Däwlät Şurasına saylawlar ütte. Bu saylawlar berençe tapqır yaña sistema nigezendä ütte: Parlamentnıñ yartısı ber mandatlı okruglardan, ikençe yartısı – partiä isemleklärennän saylana.
Köndezge säğät 2-gä respublikadağı saylawçılarnıñ yaqınça 54% tawış birgän ide inde. Dimäk, Tatarstanda Rusiä Prezidentı häm Däwlät Şurası deputatları saylawları ütte, dip sanarğa bula. Awıl-rayonnarda aktivlıq ğädättägeçä, şähärnekenä qarağanda yuğarıraq buldı. Bua, Apas, Bawlı häm Zäydä inde 70% saylawçı köndezge säğät 2gä eşne beterep quyğan bulğan.
Däwlät şurasına deputatlarnı saylaw aldınnan, nämzätlär arasında köräş, zur şähärlärdä, ayıruça kierenke bardı. Qazan häm Çallıdağı qayber okruglarda deputat kenägäse öçen xätta 7-8 keşe köräşte. Ä kübräk awıllar kerä torğan okruglarda, nämzätlär sanı 2-3 artmadı.
Respublikada eşläwçe 3 meñgä yaqın saylaw urını, irtänge säğät 8-dä açıldı. Küpçelek urınnarda, firqälärneñ, ayırım nämzätlärneñ ışanıçlı keşeläre, küzätüçeläre utırdı, saylaw qanunnıñ ütäleşen tikşerep tordı.
Üzäk saylaw komissiäse xäbär itkänçä, 7 dekaber saylawlarında da, 14 martta da Tatarstanda Evropada İminlek häm Xezmättäşlek oyışmasınnan xalıqara küzätüçelär eşläde. Kanada häm Böyek Britaniädän kilgän bu keşelär Tatarstanda inde küptännän yöri. Bu könnärdä genä respublikağa tağın 10 keşe kilde. Alar Macarstan, Alamniä, İrlandiä, Kanada, Holandiä, Qırğızstan häm AQŞ kebek illärneñ wäkilläre bulıp tora. Älegä, Rusiä häm xalıqara küzätüçelärdän, zur qanun bozular turında xäbärlär kilmäde.
Tatarstannıñ Üzäk saylaw komissiäsendä GAS «Saylawlar» sisteması eşli. Şuşı avtomatik sistemağa sannar respublikanıñ barlıq saylaw okruglarınnan cielıp bara. Üzäk saylaw komissiäse, berençel näticälärne 15martta irtän täqdim itärgä wäğdä itä.
Bikä Timerova, Qazan
Köndezge säğät 2-gä respublikadağı saylawçılarnıñ yaqınça 54% tawış birgän ide inde. Dimäk, Tatarstanda Rusiä Prezidentı häm Däwlät Şurası deputatları saylawları ütte, dip sanarğa bula. Awıl-rayonnarda aktivlıq ğädättägeçä, şähärnekenä qarağanda yuğarıraq buldı. Bua, Apas, Bawlı häm Zäydä inde 70% saylawçı köndezge säğät 2gä eşne beterep quyğan bulğan.
Däwlät şurasına deputatlarnı saylaw aldınnan, nämzätlär arasında köräş, zur şähärlärdä, ayıruça kierenke bardı. Qazan häm Çallıdağı qayber okruglarda deputat kenägäse öçen xätta 7-8 keşe köräşte. Ä kübräk awıllar kerä torğan okruglarda, nämzätlär sanı 2-3 artmadı.
Respublikada eşläwçe 3 meñgä yaqın saylaw urını, irtänge säğät 8-dä açıldı. Küpçelek urınnarda, firqälärneñ, ayırım nämzätlärneñ ışanıçlı keşeläre, küzätüçeläre utırdı, saylaw qanunnıñ ütäleşen tikşerep tordı.
Üzäk saylaw komissiäse xäbär itkänçä, 7 dekaber saylawlarında da, 14 martta da Tatarstanda Evropada İminlek häm Xezmättäşlek oyışmasınnan xalıqara küzätüçelär eşläde. Kanada häm Böyek Britaniädän kilgän bu keşelär Tatarstanda inde küptännän yöri. Bu könnärdä genä respublikağa tağın 10 keşe kilde. Alar Macarstan, Alamniä, İrlandiä, Kanada, Holandiä, Qırğızstan häm AQŞ kebek illärneñ wäkilläre bulıp tora. Älegä, Rusiä häm xalıqara küzätüçelärdän, zur qanun bozular turında xäbärlär kilmäde.
Tatarstannıñ Üzäk saylaw komissiäsendä GAS «Saylawlar» sisteması eşli. Şuşı avtomatik sistemağa sannar respublikanıñ barlıq saylaw okruglarınnan cielıp bara. Üzäk saylaw komissiäse, berençel näticälärne 15martta irtän täqdim itärgä wäğdä itä.
Bikä Timerova, Qazan
