Accessibility links

Кайнар хәбәр

Burjanadze Acarstan mäsäläsen xäl itä alırmı?


Gruziäneñ parlament räise Nino Burjanadze Acarstan tiräsendäge wazğiät turında söyläşülär ütkärü öçen töbäkneñ başqalası Batumiğa kilde. Martnıñ 28-ndä ütäçäk parlament saylawları aldınnan Gruziä räsmiläre üzbilgelängän bu töbäkne üzäkkä buysındırırğa teli. Acarstan citäkçese Aslan Abaşidze belän söyläşülär başlar aldınnan Burjanadze xanım bolay dip belderde:

Audio (Nino Burjanadze)

"Bu mäsäläne tınıç yul, söyläşülär belän xäl itü bezneñ öçen bik möxim. Bar Gruziädä konstitutsion tärtip bulırğa tieş. Bar Gruziädä, şul isäptän Acastanda ğädel häm irekle saylawlar ütergä tieş."

Burjanadze şulay uq, Gruziä prezidentı Mixail Saakaşvilinıñ Acarstanğa kilü mäsäläsen dä kütärergä cıyına. Yäkşämbe könne Saakaşvili töbäkkä kertelmägän ide. Prezidentnıñ bar Gruziä buylap yörergä xaqı bar, dide ul.

Mäskäwdä Gruziäneñ İminlek Şurası başlığı Vano Merabişvili, Rusiäneñ İminlek Şurası sekretare İgor İvanov häm Tışqı Eşlär ministrı Sergei Lavrov belän oçraşa.

Sişämbedä Gruziä räsmiläre Acarstanğa alıp barğan töp yullarnı yabıp quydı.
XS
SM
MD
LG