Xalıqara suğış cinäyätläre tribunalı Yugoslaviäneñ elekke diñgez flotı komandirı Miodrag Yokiçnı 7 yıl törmägä xökem itte. Yokiç 1991 yılda Xorvatiäneñ Dubrovnik şähären utqa totuda ğäyeplänä. Anda 50 keşe xäläk buldı, yözlägäne yaralanğan ide. Urta ğasırlarda tözelgän Dubrovnik şähäre tarixi arxitektura xäykäle sanala. Prokurorlar äytüençä, Yokiç ut açırğa färman birmägän, ämmä monı buldırmaw öçen berni eşlämägän. Yokiç ğäyeben tanıp, qılğanı öçen ğafu ütende.
