Accessibility links

İzrael Xämäsneñ ruxi citäkçese şeyx A.Yassinnı üterde. Şeyxneñ üleme intihar höcümnären kimetäçäkme, ällä kiresençä köç qullanu artaçaqmı?


Radikal Fälästin Törkeme Xämäsneñ ruxi citäkçese şeyx Axmäd Yasin bügen irtänge namazdan çıqqanda İzrael boralaqlarınıñ höcümendä häläk buldı.Şeyx Yasin İzrael tarafınnan üterelgän fälästin citäkçeläreneñ in ölkäne.Xämäs üç alu belän yanıy.Şeyxneñ üleme , Xämäs oyıştırğan intihar höcümnären kimetäçäkme, ällä köç qullanu artaçaqmı?

Bügen irtän üterelgän Xämäsneñ ruxi citäkçese şeyx Axmed Yasinneñ Xämäs bayrağına törelgän tabutın qorallı suğışçılar kütärep bardı.Gazada 200meñ keşeneñ qatnaşqan cenaza merasimındä, Xämäsneñ qorallı qanatı al Qassam brigadasınıñ (audio) üç alırğa , üç alırğa digän şiğarlarına .... xalıq al –qasssam brigadası , al qassam brigadası dip qıçqırıp cawap qaytardı. Şäyx Yasin ütkän yılda izrael höcümennän qotılıp qaldı, ämma ul üz yazmışınıñ qıl östendä buluın yaxşı belä ide. 68 yäşlek Yassin bala çağında ütkärgän qaza säbäple nıq ğäriplängän ide.Anıñ söyläwen dä köçkä köçkä genä añlap bula ide,üterelü xabäre şok dulqınnarı tudırdı..İzrael citäkçeläre şunduq Könbatış Yordan Üzäne häm Gaza Sızığı belän çiklärne yabıp, fälästinnärneñ İzraelgä kerüen tuqtattı. Fälästin prezidentı Yasir Arafat 3könlek matäm iğlan itte, İzrael xökümät süzcese Avi Pazner 2 märtäbä İzrael törmäsendä utırıp çıqqan şeyxnıñ üterelüen aqlap bolay dide (audio) izrael töbäktä tınıçlıq häm totrıqlılıqqqa inküp qurqınıç tudırğan ,yözlärçä izraelleneñ üleme öçen şäxsän cawaplı şeyxne yuq itte.Ğädellek ğämelgä quyıldı. Xämäsneñ politik citäkçese Abdel Aziz al Rantissi İzrael islam simvolen cimerde . moña cawap üç alu ğına belen genä qalmıy, suğış başlana dide. Fälästin premyere Axmäd Qurei süzlärençä(audio) izraelneñ tanılğan şäyx Axmäd yassinnı üterüe qan tügelüneñ däwam itäçägen añlata. Bez bu fälästinnärneñ täväkkällelegen zäğiflätmiäçäk, kiresençä artıraçaq dip açıqça äytä alabız. izrael ütkän atnada Aşodtta intihar häcümendä 10izraelleneñ üterelüennän soñ suğışçan fälästinnärne üterü öçen operatsiälär oyıştıraçağın äytep quyğan ide. İzraelneñ bu üterü säyäsäte öydä dä çittä dä bäxäskä säbäp.Finans ministırı Benyamin Netanyahu İzrael terror aktivistlarına , citäkçe, deputatlarına här cirdä höcüm oyıştıraçağın tağın ber märtäbä kürsätte dip söylägändä Opozitsiädäge Yossi Beilin isä, Yasinnıñ üterelüe İzrael öçen zur qurqınıç , bu kübräk yähüdneñ häläk buluına säbäp bulaçaq cawapsızılq ğämäle dip äytte. İzrael xalqı üterü säyäsäte ilne saqlaw öçen täsirle çaramı digän mäsälädä ikigä bülengän.Haaretz basması muxarrire Galili süzlärençä(audio) xalıqnıñ ber öleşe bu eş belän qänäğät döres eş dip qarıy ,çönki alar bu bälkim dä xämäsneñ cimerelüenä kiterer digän qaraşta.Xalıqnıñ ikençe yartısı xata , Xämäskä zur zian kitermiäçäk digän fikerdä,qısqa waqıt öçen zian , ämma Xämästä başqaları çiratta tora.. Şulay eşläw belän bez närsä qazandıq Elek Yaqın könçığış öçen tınıçlıq üzägendä eşlägän başqa ber komantataor Willy Gafni wazğiät kontroldän ıçqına ala dip äytep bolay dip däwam itte(audio) Üç alu Xämäsneñ ğadi yaqlawçıları däräcäsenä täşä ala.Minem qaraşımça fälästinnär citäkçelären yuğalttı alarğa kürsätmä biräçäk citärlek ofitser häm komandirları yuq dip uylıy.alarnıñ bälkim dä här berse ayrım üz üç alu ğämälenä kereşäçäk Londonda urnaşqan başqa ber komantator Tim Garden isä(audio) xällär naçarlanaçaq. iki yaqta solıx söyläşüläreneñ mömkin bulmawın añlata.Üç alular yaman bulaçaq.Ütürü, terrorğa qarşı oçqıç raketalar belän suğışu täsirsez çönki moñıñ belän kiñräk cämäğätçelektän yaqlawçı häm rekrutlar cälep itäsen.dip söyli Ekstremistlarnı ciñü öçen yaqlawçıların çitlätep ,alarnı izolatsiädä qaldıru kiräk dip äytä Garden,Qayber küzätüçelär şeyx Yasin möselman dönyasında abruyı yuğarı şäxes ide, anıñ üleme fälästin terrorçılarınıñ global terrorizmğa qatnaşu mömkinçelegen artıraçaq di. Şeyx Yassinnıñ üterelüe Yevropa Berlegennen alıp Rusiä,Qıtayğa qädär törle illär tarafınnan xökem itelde. Waşington İzrael –fälästin konfliktındağı taraflarnı totnaqlıq kürsätergä çaqırdı.

färidä xämit,praga
XS
SM
MD
LG