Kiçä Äfğanstannıñ Herat provinsiäsendä anıñ başlığınıñ ulı, aviatsiä ministrı Mirwas Sadeq üterelgännän soñ töbäkkä meñ yarımlıq ğaskär cibärelde. Höcüm oyıştıruda şiklänelgän köndäş fraksiä suğışçılarınıñ torğan urınnarın Herat provinsiäse gubernatorı İsmail Khan yaqlı köçläre uratıp aldı, bu töbäktä bäreleşlär äle dä däwam itä, 100gä yaqın keşe hälak buldı.
İsmail Khannıñ matbuğat wäkile general Gullam Möhammäd Masoon, Heratqa xärbilär cibärü "ğadel tügel" dip belderde:
"Heratta inde totrıqlılıq urnaşqan häm iminlek buldırılğan dip uylıym. Şulay itep töbäkkä ilneñ xärbi köçläre batallyonnarın kitertü ğadel tügel," dide Herat provinsiäse gubernatorınıñ matbuğat wäkile.
Äfğanstan prezidentınıñ matbuğat wäkile Hamid Elmi, ğaskärlär qanun häm tärtip saqlar öçen, tınıç xalıqnıñ iminlegen tä'min iter öçen cibärelde, dip belderde.
